17.05.2017-ci il saat 10:00-da Ümuminstitut seminarında RMİ-nin “Funksiyalar nəzəriyyəsi” şöbəsinin müdiri r.e.d. Vüqar Elman oğlu İsmayılov «Kəsilməz funksiyalar fəzasının cəbrlər cəmi şəklində göstəriliş məsələsi» mövzusunda məruzə edəcəkdir.
Məruzədə Hausdorff kompaktında təyin olunmuş həqiqi qiymətli kəsilməz funksiyalar fəzasının həmin fəzanın altcəbrləri cəmi şəklində göstəriliş məsələsi təhlil ediləcək, belə göstərilişin mümkünlüyü üçün zəruri və kafi şərtlər haqqında danışılacaqdır. Qeyd edək ki, cəm yalnız bir toplanandan ibarət olduqda məlum nəticə Marşal Stouna məxsusdur.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.