“Multixətti sinqulyar və kəsr inteqral operatorların ümumiləşmiş çəkili Morri fəzalarında məhdudluğu” mövzusunda seminar keçirilib

Bu gün “Riyazi analiz” şöbəsinin “Harmonik analizin müasir problemləri və tətbiqləri” adlı seminarı keçirilib. Seminarda şöbənin böyük elmi işçisi, r.ü.f.d Ömərova Mehriban Nazım qızı “Multixətti sinqulyar və kəsr inteqral operatorların ümumiləşmiş çəkili Morri fəzalarında məhdudluğu” mövzusunda məruzəsinin davamı olub.

Məruzədə multixətti sinqulyar və kəsr inteqral operatorların ümumiləşmiş çəkili Morri fəzalarında məhdudluğu haqqında danışılıb. Həmçinin ümumiləşmiş çəkili Morri fəzalarının düz hasilində multixətti Kalderon-Ziqmund və Riss potensial operatorlarının məhdudluğu müzakirə edilib.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

“Hiperbolik tip tənlik üçün tərs məsələlərin ədədi həlli” mövzusunda seminar keçirilib

Bu gün «Optimal İdarəetmə» şöbəsinin növbəti seminarı keçirilib. Seminarda AMEA İdarəetmə Sistemləri İnstitutunun aparıcı elmi işçisi, r.ü.f.d., dos. Anar Rəhimov “Hiperbolik tip tənlik üçün tərs məsələlərin ədədi həlli” mövzusunda çıxış edib.

Məruzədə sağ tərəfdə naməlum əmsallı hiperbolik tip tənlik üçün tərs məsələlərə baxılıb. Məsələlərin ədədi həlli üçün düz xətlər üsuluna əsaslanan yanaşma təklif olunub.

İlkin məsələ naməlum parametrli adi diferensial tənliklər sisteminə gətirilib. Bu sistemi həll etmək üçün qovma üsuluna analoji üsul təklif olunub.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

Azərbaycan Respublikası Elmi Tədqiqatların Əlaqələndirilməsi Şurasının yaradılması haqqında Nazirlər Kabinetinin Qərarı

“Elm haqqında” Azərbaycan Respublikasının 2016-cı il 14 iyun tarixli 271-VQ nömrəli Qanununun tətbiqi barədə” Azərbaycan Respublikası Prezidentinin 2016-cı il 9 avqust tarixli 1009 nömrəli Fərmanının 2.3-cü bəndinə əsasən Azərbaycan Respublikasının Nazirlər Kabineti QƏRARA ALIR:

Aşağıdakı tərkibdə Azərbaycan Respublikasının Elmi Tədqiqatların Əlaqələndirilməsi Şurası yaradılsın:

Şuranın sədri

Akif Əlizadə – akademik, Azərbaycan Milli Elmlər Akademiyasının prezidenti

Şuranın sədr müavini

İbrahim Quliyev – akademik, Azərbaycan Milli Elmlər Akademiyasının vitse-prezidenti

Şuranın üzvləri:

İsa Həbibbəyli  – akademik, Azərbaycan Milli Elmlər Akademiyasının vitse-prezidenti

Dilqəm Tağıyev – akademik, Azərbaycan Milli Elmlər Akademiyasının vitse-prezidenti

Arif Paşayev – akademik, Milli Aviasiya Akademiyasının rektoru

Rasim Əliquliyev – akademik, Milli Elmlər Akademiyasının akademik-katibi

Əhliman Əmiraslanov – akademik, Azərbaycan Milli Elmlər Akademiyasının Biologiya və Tibb elmləri Bölməsinin akademik-katibi

Abel Məhərrəmov – akademik, Bakı Dövlət Universitetinin rektoru

Urxan Ələkbərov – akademik, Dövlət İdarəçilik Akademiyasının rektoru

Nərgiz Paşayeva – akademik, M.Lomonosov adına Moskva Dövlət Universitetinin Bakı filialının rektoru

İsmayıl Hacıyev – akademik, Azərbaycan Milli Elmlər Akademiyasının Naxçıvan Bölməsinin sədri

Fuad Əliyev – akademik, Azərbaycan Milli Elmlər Akademiyasının Gəncə bölməsinin sədri

Mustafa Babanlı – texnika üzrə elmlər doktoru, Azərbaycan Dövlət Neft və Sənaye Universitetinin rektoru

Heydər Piriyev – general-leytenant, Azərbaycan Respublikası Silahlı Qüvvələrinin Hərbi Akademiyasının rəisi

Əminağa Sadıqov – Azərbaycan Milli Elmlər Akademiyasının müxbir üzvü, Azərbaycan Milli Elmlər Akademiyasının Elm və Təhsil İdarəsinin rəisi (məsul katib)

Artur Rasi-zadə

Azərbaycan Respublikasının Baş naziri,

Bakı şəhəri, 20 fevral 2018-ci il

 

E L A N

23.02.2018-ci il saat 11:00-da “Riyazi analiz” şöbəsinin “Harmonik analizin müasir problemləri və tətbiqləri” adlı seminarı keçiriləcəkdir. Seminarda şöbənin böyük elmi işçisi, r.ü.f.d Ömərova Mehriban Nazım qızı “Multixətti sinqulyar və kəsr inteqral operatorların ümumiləşmiş çəkili Morri fəzalarında məhdudluğu” mövzusunda məruzəsinin davamı olacaqdır.

Məruzədə multixətti sinqulyar və kəsr inteqral operatorların ümumiləşmiş çəkili Morri fəzalarında məhdudluğu haqqında danışılacaq. Həmçinin ümumiləşmiş çəkili Morri fəzalarının düz hasilində multixətti Kalderon-Ziqmund və Riss potensial operatorlarının məhdudluğu müzakirə ediləcəkdir.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

Elmi şuranın iclası keçirilib

Bu gün AMEA Riyaziyyat və Mexanika İnstitutunda elmi şuranın növbəti iclası keçirilib. İclası institutun direktoru, AMEA-nın müxbir üzvü, professor Misir Mərdanov açıb. İlk öncə “Elastiklik və plastiklik nəzəriyyəsi” şöbəsinin böyük elmi işçisi, mexanika üzrə fəlsəfə doktoru Gülnar Mirzəyevaya 2002.01-“Deformasiya olunan bərk cisim mexanikası” ixtisası üzrə dosent elmi adın verilməsi məsələsinə baxılıb. Gizli səsvermə nəticəsində Azərbaycan Respublikası Prezidenti yanında Ali Attestasiya komissiyası qarşısında vəsatət qaldırılması qərara alınıb.

Sonra institutun doktoranturasını bitirən tələbələr haqqında şura üzvlərinə məlumat verilib. On altı dissertantın attestasiyası keçirilib.

İclasda həmçinin institutun magistraturasında təhsil alan on iki magistrın attestasiyası da keçirilib. II kurs magistrlərin elmi-tədqiqat və elmi-pedaqoji təcrübə (4 həftəlik) keçmələri məsələsinə baxılıb.

Sonda gündəlikdə duran cari məsələlər müzakirə olunub.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

“Diferensial operatorların məxsusi funksiyaları üzrə spektral ayrılışların yığılması” mövzusunda Ümuminstitut seminarı keçirilib

Bu gün AMEA Riyaziyyat və Mexanika İnstitutunda Ümuminstitut seminarı keçirilib. Seminarda “Funksional analiz” şöbəsinin baş elmi işçisi, professor Qurbanov Vəli Məhərrəm oğlu “Diferensial operatorların məxsusi funksiyaları üzrə spektral ayrılışların yığılması” mövzusunda məruzə edib.

Məruzədə matris əmsallı dördüncü (üçüncü) tərtib adi diferensial operatorun məxsusi funksiyalar sistemi üzrə ortoqonal ayrılışların parçada mütləq və müntəzəm yığılması və müntəzəm yığılma sürətinin qiymətləndirilməsi haqqında məlumat vermək nəzərdə tutulur.

Daha ətraflı>>

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.