“Sərhəd şərtlərinə spektral parametr daxil olan bir sinif dördüncü tərtib adi diferensial operatorların spektral xassələri” mövzusunda Ümuminstitut seminarı keçirilib

Bu gün AMEA Riyaziyyat və Mexanika İnstitutunda Ümuminstitut seminarı keçirilib. Ümuminstitut seminarında “Diferensial tənliklər” şöbəsinin baş elmi işçisi, r.e.d., prof. Ziyatxan Seyfəddin oğlu Əliyev “Sərhəd şərtlərinə spektral parametr daxil olan bir sinif dördüncü tərtib adi diferensial operatorların spektral xassələri” mövzusunda məruzə edib.

Məruzədə bir ucu bərkidilmiş, digər ucunda inersial yük cəmlənmiş və ya izləyici qüvvənin təsiri altında olan bircins çubuğun əyilmə rəqslərini modelləşdirən zaman yaranan sərhəd şərtlərindən ikisinə spektral parametr daxil olan dördüncü tərtib adi diferensial operatorlar üçün spektral məsələlər təqdim olunub. Bu məsələlərin köklü alt fəzalarının strukturu, məxsusi funksiyalarının və onların törəmələrinin osillyasiya xassələri, məxsusi ədədləri və məxsusi funksiyaları üçün asimptotik düsturlar, məxsusi funksiyaları sisteminin bazislik xassələri haqqında məlumat verilib.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

Dövlət Bayrağı Günü münasibətilə “Bayraq yürüşü” keçiriləcək

Noyabrın 8-də Təhsil Nazirliyi, Müdafiə Nazirliyi və “ASAN xidmət”lə birgə Tərtər rayonunda 9 noyabr – Dövlət Bayrağı Günü münasibətilə “Bayraq yürüşü” keçiriləcək.

Təhsil Nazirliyindən bildiriblər ki, yürüşün keçirilməsində əsas məqsəd milli atributlarımızın təbliği, gənclərə vətənpərvərlik hisslərinin aşılanmasıdır.

Yürüşdə Təhsil və Müdafiə nazirliklərinin rəhbər şəxsləri, Milli Məclisin deputatları, “ASAN xidmət”in əməkdaşları, hərbçilər, tanınmış ziyalılar, idmançılar, müəllim və şagirdlər, QHT və KİV nümayəndələri iştirak edəcəklər.

Dövlət Bayrağı Günü ilə əlaqədar “ASAN Könüllüləri” Təşkilatı və Təhsil Nazirliyinin “Bir” Tələbə-Könüllü proqramının birgə təşəbbüsü ilə #9noyabr həştəq kampaniyası davam edir.

Sosial kampaniyanın məqsədi Azərbaycan Respublikası Prezidentinin “Azərbaycan Xalq Cümhuriyyətinin 100 illik yubileyi haqqında” Sərəncamına uyğun olaraq müstəqil Azərbaycanın keçdiyi tarixi yolda qazandığı dəyərlərin, dövlət bayrağının, onun milli simvollarının, eyni zamanda, azərbaycançılıq, vətənpərvərlik və dövlətçilik ideyalarının təbliğidir.

Kampaniya sosial şəbəkələr üzərindən həyata keçirilir. Sosial şəbəkədə istifadəçilər #9noyabr həştəqi ilə Azərbaycan bayrağı məzmunlu paylaşım etməklə (foto, video, bloq və s.) vətənpərvərlik hisslərinin və milli tariximizin təbliğinə töhfə vermiş olurlar.

Mənbə: https://azertag.az

 

Elmi şuranın növbəti iclası keçiriləcək

08.11.2017-ci il tarixində saat 11:00-da AMEA Riyaziyyat və Mexanika İnstitutunda elmi şuranın növbəti iclası keçiriləcək. İclasda aşagıdakı məsələlər müzakirə olunacaq:

1. AMEA Riyaziyyat və Mexanika İnstitutunun 2017-ci il üzrə elmi və elmi-təşkilati fəaliyyəti haqqında şöbələrin illik hesabatları:

  • “Qeyri-harmonik analiz” şöbəsi ;
  • “Sürüncəklik nəzəriyyəsi” şöbəsi;
  • “Optimal idarəetmə” şöbəsi.

2. “Hesablama riyaziyyatı və informatika” şöbəsinin müdiri t.ü.f.d. Həsən Əli oğlu Nağıyevə 1203.01-Kompüter elmləri ixtisası üzrə dosent elmi adının verilməsi haqqında;

3. Cari məsələ (Azərbaycan Gənc alimlərinin I Qurultayında İnstitutu təmsil etmək üçün 3 nəfər namizəd).

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

E L A N

08.11.2017-ci il tarixində Ümuminstitut seminarında “Diferensial tənliklər” şöbəsinin baş elmi işçisi, r.e.d., prof. Ziyatxan Seyfəddin oğlu Əliyev “Sərhəd şərtlərinə spektral parametr daxil olan bir sinif dördüncü tərtib adi diferensial operatorların spektral xassələri” mövzusunda məruzə edəcəkdir.
Məruzədə bir ucu bərkidilmiş, digər ucunda inersial yük cəmlənmiş və ya izləyici qüvvənin təsiri altında olan bircins çubuğun əyilmə rəqslərini modelləşdirən zaman yaranan sərhəd şərtlərindən ikisinə spektral parametr daxil olan dördüncü tərtib adi diferensial operatorlar üçün spektral məsələlər təqdim olunur. Bu məsələlərin köklü alt fəzalarının strukturu, məxsusi funksiyalarının və onların törəmələrinin osillyasiya xassələri, məxsusi ədədləri və məxsusi funksiyaları üçün asimptotik düsturlar, məxsusi funksiyaları sisteminin bazislik xassələri haqqında məlumat veriləcəkdir.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

İtaliyalı elektronika mütəxəssisləri duman əleyhinə yol lazer sistemi icad ediblər

İtaliyalı elektronika mütəxəssisləri dumanlı havalarda parlayaraq dəhlizlər çəkən radarlı yol lazer sistemi yaradıblar.

www.ansa.it saytının məlumatına görə, 42 yaşlı elektronika mütəxəssisi Domeniko Qallo ölümlə nəticələnən avtomobil qəzasına şahid olur. Bu hadisədən sonra o, yol lazer sistemini icad etməyə qərar verir.

Ağır iqlim şəraitində sınaqdan keçirilmiş və tam avtomatlaşdırılmış “LaserAid” adlı sistem yolu duman bürüdüyü zaman işə düşür. İtaliyanın yol xidməti tədricən ölkənin bütün yollarını “lazer” duman əleyhinə qurğularla təchiz etmək niyyətindədir. Yolu işıqlandıran adi fənərlərin analoji iş prinsipinə malik bu qurğu yol boyu dayaq və sütunlarda yerləşdirilə bilər.

E L A N

İslam lnkişaf Bankı (İİB) tərəfindən “Qadınların inkişafa töhfəsi” nominasiyası üzrə mükafat müsabiqəsi elan olunmuşdur.
Mükafalandırmanın məqsədi sosial-iqtisadi inkişaf prosesində qadınları rühlandırmaq və təltif etməkdən ibarətdir.
Qaliblər IIB-ın Müdirlər şurasının 3-5 aprel 2018-ci il tarixlərində Tunis Respublikasında keçiriləcək 43-cü toplantısı zamanı mükafatlandırılacaqlar.
Namizədler ərizə formasını və müvafiq məlumatları 30 noyabr 2017-ci il tarixinə qədər idbprize@isdb.com ünvanına göndərməlidirlər. Ətraflı məlumat və müraciət formalarını İİB-ın rəsmi internet səhifəsindən (www.isdb.org) əldə etmək olar.
Əlavə məlumat uçün AMEA Rəyasət Heyəti aparatının Beynəlxalq əlaqələr idarəsinə müraciət edilə bilər.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.