Fizika sahəsində Nobel mükafatı laureatlarının adları açıqlanıb

İsveçin paytaxtı Stokholmda fizika sahəsi üzrə Nobel mükafatı laureatlarının adları elan edilib. 2017-ci ildə bu mükafata LIGO detektorunun inkişafına həlledici töhfələrinə və qravitasiya dalğalarının müşahidəsinə görə üç amerikalı alim – Rayner Vays, Barri Bariş və Kip Torn layiq görülüb.

Qeyd edək ki, mükafatın təqdimat mərasimi hər il dekabrın 10-da İsveçin və Norveçin paytaxtlarında keçirilir. Belə ki, fizika, kimya, fiziologiya və təbabət, ədəbiyyat, iqtisadiyyat sahələrində mükafatlar Stokholmda İsveç Kralı tərəfindən, sülhün qorunması istiqamətində mükafat isə Osloda Norveç Kralının və kral ailəsi üzvlərinin iştirakı ilə Norveç Nobel Komitəsinin sədri tərəfindən təqdim edilir.

www.nobelprize.org

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

E L A N

04.10.2017-cı il saat 10:00-da Ümuminstitut seminarında RMİ-nin “Funksiyalar nəzəriyyəsi” şöbəsinin aparıcı elmi işçisi, f.r.e.d, prof. Alik Malik oğlu Nəcəfov «Anizotrop grand Sobolev-Morri fəzalarının bir sıra diferensial xassələri» mövzusunda məruzə edəcəkdir.
Məruzədə anizotrop grand Sobolev-Morri fəzalarından olan funksiyaların bir sıra diferensial və diferensial-fərq xassələri haqqında danışılacaq. Bu fəzalardan olan funksiyaların ümumiləşmiş qarışıq törəmələrinin Hölder şərtini ödəməsi göstəriləcək.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

Dissertasiya Şurasının iclası keçirilib

AMEA Riyaziyyat və Mexanika İnstitutunun nəzdində  nəzdində elmlər doktoru və fəlsəfə doktoru elmi dərəcəsi almaq üçün təqdim olunan dissertasiyaların müdafiəsini keçirən D.01.111 dissertasiya şurasının iclasında Elman Cavanşir oğlu İbrahimovun “Qeqenbauer diferensial operatoru ilə bağlı harmonik analizin bəzi aspektləri” mövzusunda 1202.01-Analiz və funksional analiz ixtisasında riyaziyyat üzrə elmlər doktoru elmi dərəcəsi almaq üçün təqdim edilmiş dissertasiyasının müdafiəsi keçirilib. Dissertasiyada alınmış nəticələr 28 işdə öz əksini tapıb.

Sonra iclasda Aytəkin Ehtiram qızı Abdullayevanın “Funksiyaların Bernşteyn-Xlodovski polinomları ilə yaxınlaşması” mövzusunda 1202.01-Analiz və funksional analiz ixtisasında riyaziyyat üzrə fəlsəfə doktoru elmi dərəcəsi almaq üçün təqdim edilmiş dissertasiyasının müdafiəsi keçirilib. Dissertasiyada alınmış nəticələr 14 işdə öz əksini tapıb.

Hər iki dissertasiya işi Dissertasiya Şurasının müsbət rəyini alıb.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

Dünya şöhrətli azərbaycanlı alim Lütfi Zadə son mənzilə yola salınıb

Lutfi_ZadeSentyabrın 29-da AMEA-nın Əsas binasında dünya şöhrətli alim, professor Lütfi Zadə ilə vida mərasimi keçirilib.

Qeyd edək ki, Lütfi Zadənin nəşi Bakıya bu gün səhər saatlarında gətirilib. Heydər Əliyev məscidində cənazə namazı qılındıqdan sonra alimin nəşi vida mərasimi üçün AMEA-ya aparılıb.

Mərasimdə Azərbaycan Respublikasının Prezidenti İlham Əliyev, Prezident Administrasiyasının rəhbəri, akademik Ramiz Mehdiyev, ABŞ-ın Azərbaycandakı səfiri Robert Sekuta, təhsil naziri Mikayıl Cabbarov, digər dövlət və hökumət rəsmiləri, elm və mədəniyyət xadimləri, ziyalılar, ictimaiyyət nümayəndələri iştirak ediblər.

Mərasimdə Azərbaycan Respublikasının Prezidenti İlham Əliyev mərhumun yaxın qohumu, Xalq artisti, professor Cənnət Səlimovaya dərin hüznlə başsağlığı verib.

Vida mərasimində çıxış edən AMEA-nın prezidenti, akademik Akif Əlizadə süni intellekt sahəsində qeyri-səlis məntiq nəzəriyyəsinin banisi, professor Lütfi Zadənin əldə etdiyi nailiyyətlər əsasında dünya elminin müxtəlif istiqamətlərinin inkişaf etdiyini bildirib. AMEA rəhbəri bu gün də bir sıra araşdırma mərkəzlərinin idarəetmə sistemlərini Lütfi Zadənin nəzəriyyələri əsasında tədqiq etdiyini qeyd edib: “Lütfi Zadə Amerikada yaşasa da, Azərbaycana çox bağlı olub. O, son dəfə 2008-ci ildə Bakıya gəlmişdi. Onda Milli Elmlər Akademiyasında çox mühüm mühazirə ilə çıxış etmişdi. Lütfi Zadənin böyük elmi məktəbi var idi. Lütfi Zadə məktəbi Azərbaycanda da təşəkkül tapmışdı. Onun vəfatı dünya və Azərbaycan elmi ictimaiyyəti üçün böyük itkidir”.

Təhsil naziri Mikayıl Cabbarov bildirib ki, Lütfi Zadənin son arzusu Azərbaycanda dəfn edilmək idi, bu, onun ölkəmizə, vətəninə sevgisini göstərir: “Nizami Gəncəvi, Nəsirəddin Tusi, Xətib Təbrizi, Memar Əcəmi kimi Azərbaycan tarixinə adlarını yazmış görkəmli şəxsiyyətlər sırasında dünya elminə verdiyi töhfələrlə tanınan Lütfi Zadənin də adı elmimizdə xüsusi yer alacaqdır”.

Sonra AMEA-nın İdarəetmə Sistemləri İnstitutunun direktoru, akademik Telman Əliyev çıxış edib. Alim Lütfi Zadənin nəzəriyyələrinin hazırda energetika, nəqliyyat, aviasiya və hərbi sahədə, o cümlədən məişətdə geniş tətbiq olunduğunu, intellektuallaşdırılan bütün istiqamətlərdə onun nəzəriyyələrindən istifadə edildiyini söyləyib: “Bu nəzəriyyələr, ümumilikdə həyat səviyyəsinin yaxşılaşdırılmasına geniş imkanlar açır”. Lütfi Zadə ilə bağlı xatirələrindən danışan alim onun hər zaman Bakıya köçmək kimi bir arzusu olduğunu da dilə gətirib.

AMEA-nın akademik-katibi, İnformasiya Texnologiyaları İnstitutunun direktoru, akademik Rasim Əliquliyev dünya şöhrətli alimin elmi araşdırmalarından, qeyri-səlis məntiq sahəsində elmə gətirdiyi inqilabi yeniliklərdən söz açaraq onun xatirəsinin xalqımız tərəfindən daim dərin hörmət və ehtiramla anılacağını bildirib. Mərhum alimin fəlsəfəsinin və nəzəriyyəsinin Azərbaycan elmi qarşısında yeni tədqiqat predmetləri açdığını deyən akademik V nəsil kompüterlərin də məhz bu nəzəriyyə sayəsində yaranmaqda olduğunu qeyd edib.

Sonra çıxış edən Riyaziyyat və Mexanika İnstitutunun direktoru, AMEA-nın müxbir üzvü Misir Mərdanov da alimin həyat və fəaliyyəti barədə fikirlərini bölüşüb. Bildirib ki, onun elmi əsərləri və ideyaları uzunömürlüyü, nəzəriyyələri orijinallığı, inqilabiliyi, nəticələri məntiqiliyi ilə seçilir. Misir Mərdanov Lütfi Zadənin vəfatını həm Azərbaycan, həm də dünya elmi üçün böyük itki olduğunu söyləyib.

ABŞ-ın Azərbaycandakı səfiri Robert Sekuta çıxış edərək alimin dünya elminin inkişafındakı xidmətlərindən, zəngin elmi yaradıcılığından söz açıb, Azərbaycan xalqına dərin hüznlə başsağlığı verib.

Mərasimdə mərhumun ailəsi adından çıxış edən Azərbaycan Respublikasının Xalq artisti, professor Cənnət Səlimova alimin xatirəsinə göstərilən hörmət və ehtirama görə dövlət başçısına və AMEA rəhbərliyinə dərin minnətdarlığını bildirib.

Sonra alimin cənazəsi son mənzilə yola salınıb. Mərhum I Fəxri xiyabanda torpağa tapşırılıb.

Şərəfli ömür yaşamış dünya şöhrətli alim və böyük şəxsiyyət Lütfi Zadənin işıqlı xatirəsi onu tanıyanların qəlbində daim yaşayacaqdır.

Allah rəhmət eləsin!

Mənbə: www.science.az

Azərbaycan Respublikası Dövlət Neft Şirkətinin Elm Fondu elmi tədqiqat, innovativ layihələrin maliyyələşdirilməsi məqsədilə müsabiqə elan edir

Azərbaycan Respublikası Dövlət Neft Şirkətinin Elm Fondu dövlət və cəmiyyət üçün əhəmiyyət kəsb edən fundamental və innovasiya yönümlü elmi tədqiqat layihələrini və digər elmi tədbirləri dəstəkləmək, AMEA-da fəaliyyət göstərən, neft-qaz, neft-kimya sənayesi ilə bağlı aktual və müasir elmi, texnoloji problemlərin tədqiqi ilə məşğul olan alimlərin və yaradıcı kollektivlərin fəaliyyətini dəstəkləmək və onlara əlavə yaradıcılıq imkanlarını yaratmaq, elmi, innovativ araşdırmaları stimullaşdırmaq məqsədilə müsabiqə elan edir.

Təqdim olunan layihələr aşağıdakı elm sahələrinə aid olmalıdır:

– Yer elmləri;

– Texnika elmləri;

– Kimya elmləri.

Elmi araşdırmaların aşağıdakı prioritet istiqamətləri üzrə təqdim edilən və fənlərarası xarakter daşıyan layihələrə üstünlük veriləcək:

– neft-qaz yataqlarının neftveriminin artırılması;

– neft quyularında parafin, qətran, asfalten və qum çökmə problemləri;

– neft sənayesində qazma, hasilat, nəql, emal və s. proseslərdə innovativ texnika və texnologiyaların (o cümlədən nanotexnologiyaların) tətbiqi;

– quruda və dənizdə neft-qaz sahəsi obyektlərinin monitorinqində müasir robotatexnikadan istifadə;

– neft-qaz hasilatının identifikasiyası məqsədilə elmi cihaz və avadanlıq parkının yaradılması;

– neft-qaz kompleksində informasiya kommunikasiya texnologiyalarının tətbiqi problemləri;

– neft-qaz hasılatının optimallaşdırılmasında kompüter proqram təminatlarının və informasiya texnologiyalarının tətbiqi;

– neft-kimya proseslərinin riyazi modelləşdirilməsi;

– kiçik dərinliklər geofizikasının  geoloji və arxeoloji aspektləri;

– neft-qaz kompleksinin ekoloji problemləri və ətraf mühit.

Ətraflı: http://science.az/news/open/6440

AMEA Riyaziyyat və Mexanika Institutunun kitabxanasına daxil olan yeni jurnallar

1.Журнал вычислительной математики и математической физики – 2017, т.57, №8;
2.Доклады РАН – 2017, т.475, № 4;
3.Доклады РАН -2017, т.475, № 5;
4.Доклады РАН -2017, т475, №6;
5.РЖ.Математический анализ – 2017 , №8;
6.Дифференциальные уравнения – 2017, т.53 № 8;
7.Прикладная математика и м еханика – 2017, т.81, в.4;
8.Математический сборник – 2017 , т.208, №8;
9.Сибирский математический журнал – 2017, т .58, №4;
10.Известия РАН.Серия математическая – 2017, т.81 № 4;
11.Математические заметки – 2017, т.102, в.2;

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.