Azərbaycanlı alim “İsaak Nyuton” medalı ilə təltif olunub

Qabil_Aliyev_imm

AMEA-nın Riyaziyyat və Mexanika İnstitutunun “Tətbiqi Riyaziyyat” şöbəsinin müdiri, f.-r.e.d., professor Qabil Qəribxan oğlu Əliyev Avropa Elmi-Sənaye Konsorsiumu tərəfindən “İsaak Nyuton” qızıl medalı ilə təltif olunub.medal Qabil Aliyev

Professor Qabil Əliyev “İsaak Nyuton” qızıl medalı alan ilk Azərbaycan alimidir.
Onu da qeyd edək ki, 2016-cı ildə Rusiya Federasiyası, Təbiət Elmləri Akademiyasının Rəyasət Heyətinin qərarı ilə f.-r.e.d., professor Qabil Əliyev
1. a) «Struktur elementləri arasında daxili qarşılıqlı təsirinin mexanika efektini nəzərə alınmaqla kompozit materiallar mexanikasının»,
b) «Fiziki-kimyəvi xassələrinin dəyişilməsi nəzərə alınmaqla polimer və kompozit materiallar mexanikasının»,
c) «Elektromaqnit sahələrinin və maye mühitin kimyəvi dəyişməsinin qarşılıqlı təsiri mexanikasının» xüsusi nəzəriyyələrinin yaradılması;
2. Eyni zamanda yeni yaradılmış nəzəriyyələrinin riyazi aparat, kompyuter modelləşdirməsi üçün ədədi proqramlar paketlərini və strateji məhsulun istehsalat-texnoloji xətlərinin ilk dəfə təklif etdiyini və bununla dünya fizika-riyaziyyat elminə boyük tövhə verdiyini nəzərə alaraq həmin Akademiyanın Müxbir Üzvü seçərək, Böyük Pyotr ordeni ilə təltif etmişdir.

Professor Qabil Əliyev 200-ə yaxın məqalənin, 5 kitab və 10 monoqrafiyanın müəllifidir.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

E L A N

28.09.2017-ci il saat 10:30-da «Optimal İdarəetmə» şöbəsinin növbəti seminarı keçiriləcəkdir. Seminarda Bakı Dövlət Universitetinin professoru, fizika-riyaziyyat elmləri doktoru Misrəddin Allahverdi oğlu Sadıqov “İkinci tərtib subdiferensial” mövzusunda məruzə edəcəkdir.
Məruzədə müəllif tərəfindən verilən ikinci tərtib subdiferensialın bəzi xassələri öyrəniləcək.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

“Ağıllı” geyim üçün elastik günəş panelləri yaradılıb

Yaponiyadan olan alimlər qrupu tərəfindən hazırlanmış elastik və su keçirməz günəş panelləri müxtəlif sensorlarla təchiz edilmiş “ağıllı” geyim istehsalında geniş tətbiq edilə bilər.

www.hvylya.net saytı xəbər verir ki, alimlər panellərdə aktiv qat kimi orqanik polimerlərdən istifadə ediblər. Elementlər su və oksigenin təsirindən müdafiə üçün parilen adlı polimerlə örtülüb. Panellərin effektivliyi 7,9% təşkil edir. Bu göstərici isə “ağıllı” geyimə quraşdırıla bilən sağlamlıq monitorinqi sensorlarının enerji ilə doldurulması üçün panellərdən istifadəyə imkan verir.

www.sciencedirect.com

E L A N

29 sentyabr 2017-ci il tarixində saat 16:00-da AMEA RMİ-nın nəzdində elmlər doktoru və fəlsəfə doktoru elmi dərəcəsi almaq üçün təqdim olunan dissertasiyaların müdafiəsini keçirən D.01.111 dissertasiya şurasının iclasında Aytəkin Ehtiram qızı Abdullayevanın “Funksiyaların Bernşteyn-Xlodovski polinomları ilə yaxınlaşması” mövzusunda 1202.01-Analiz və funksional analiz ixtisasında riyaziyyat üzrə fəlsəfə doktoru elmi dərəcəsi almaq üçün təqdim edilmiş dissertasiyasının müdafiəsi AMEA Riyaziyyat və Mexanika İnstitutunun akt zalında keçiriləcək.

Təqdim edilmiş dissertasiyanın avtoreferatına baxmaq üçün aşağıdakı linkə keçid edin: http://www.imm.az/avtoref/2017/29.09.17_Aytekin_Abdullayeva.pdf

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

AMEA-da kvant texnologiyalarının tətbiqi və inkişaf perspektivləri müzakirə olunub

Sentyabrın 22-də Azərbaycan Milli Elmlər Akademiyası Rəyasət Heyətinin iclasında müzakirə olunan məruzə kvant texnologiyalarının tətbiqi və inkişaf perspektivlərinə həsr olunub.

Məruzəni təqdim edən AMEA Fizika-Riyaziyyat və Texnika Elmləri Bölməsinin akademik-katibi, Fizika İnstitutunun direktoru, akademik Nazim Məmmədov 1911-ci ildə Nobel mükafatı laureatı Maks Plankın yeni kvant nəzəriyyəsini müzakirəyə çıxardığını və bununla da müasir elmi istiqamətin əsasının qoyulduğunu deyib. Ötən əsrdə bir çox dövlətlərdə kvant yanaşmasına əsaslanan yeni texnologiyaların inkişafı üçün elmi mərkəzlərin yaradıldığını bildirən akademik onların fəaliyyətindən söhbət açaraq kvant fizikası ideyalarının elm və texnologiyaların, o cümlədən süni intellekt, əşyaların interneti, Big Data, robototexnika, kriptoqrafiyanın inkişafında rolundan danışıb.

Akademik Nazim Məmmədov respublikamızda kvant fizikası sahəsində elmi-tədqiqat işlərinin XX əsrin 70-ci illərindən başlayaraq aparıldığını, kvant mexanikası sahəsində kifayət qədər güclü kadr potensialının və dayanıqlı metodoloji bazanın mövcud olduğunu qeyd edib. AMEA-nın Fizika, Riyaziyyat və Mexanika, Radiasiya Problemləri institutlarında, həmçinin Bakı Dövlət Universitetində aparılan elmi tədqiqatlarda əldə olunan nəticələrin yüksək impakt faktorlu jurnallarda dərc edildiyini, bu sahədə dünyanın bir sıra elmi mərkəzlərilə birgə eksperimental işlərin aparıldığını bildirib. Kvant yanaşmasına əsaslanan yüzdən artıq kompüter proqramının mövcud olduğunu qeyd edən akademik həmin proqramların multidissiplinar xarakterli, geniş spektrli məsələlərin həllində tətbiqindən danışıb, bir sıra proqramların Fizika İnstitutunda geniş istifadə olunduğunu deyib. Bölmə rəhbəri həmçinin kvant koqnitivliyi nəzəriyyəsindən, onun müxtəlif sahələrdə tətbiqinin əhəmiyyətindən bəhs edib.

Çıxışının sonunda alim bu istiqamətdə tədqiqat aparan elmi müəssisələr arasında əməkdaşlığın genişləndirilməsi, dünyanın aparıcı elmi mərkəzləri ilə beynəlxalq elmi əməkdaşlığın gücləndirilməsinin zəruriliyini qeyd edib.

Məruzə dinlənildikdən sonra Rəyasət Heyətində müzakirə olunub. Mövzu ətrafında akademiklər – Dilqəm Tağıyev, Rasim Əliquliyev, Telman Əliyev, AMEA-nın müxbir üzvləri – Misir Mərdanov, Ramiz Alıquliyev və başqaları çıxış edərək məruzənin müasir dövr üçün əhəmiyyətindən danışıb, təkliflərini bildiriblər.

Mənbə: www.science.gov.az

 © Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

E L A N

27.09.2017 il tarixində AMEA-nın Riyaziyyat və Mexanika İnstitutunun akt zalında saat 11:00-da Bakı şəhəri Təcili Təxirəsalınmaz Tibbi Yardım Stansiyasının həkimləri tərəfindən ilkin tibbi yardım haqqında məlumat veriləcək.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.