![\"Mesud_Efendiyev\"](\"https:\/\/www.imm.az\/exp\/wp-content\/uploads\/2014\/05\/Mesud_Efendiyev-150x150.jpg\")
M\u00fcnhend\u0259 d\u00fcnya \u015f\u00f6hr\u0259tli riyaziyyat\u00e7\u0131 M\u0259sud \u018ff\u0259ndiyevin 60 illik yubileyin\u0259 h\u0259sr olunmu\u015f \u201cBiologiya, fizika v\u0259 mexanikada qeyri-x\u0259tti hadis\u0259l\u0259r\u201d adl\u0131 Beyn\u0259lxalq konfrans ba\u015fa \u00e7atm\u0131\u015fd\u0131r. O, ilk Az\u0259rbaycanl\u0131d\u0131r ki Aleksandr fon Humbold m\u00fckafat\u0131na lay\u0131q g\u00f6r\u00fclm\u00fc\u015fd\u00fcr.\nKonfransda Yaponiya, Avropa, Amerika, Avstraliya, Kanada v\u0259 Afrikan\u0131n apar\u0131c\u0131 aliml\u0259ri v\u0259 \u201cSpringer\u201d, \u201cBirkhauser\u201d, \u201cGakkotoscho\u201d(Yaponiya), PSSQV (AB\u015e) \u00a0n\u00fcfuzlu n\u0259\u015frl\u0259rin n\u00fcmay\u0259nd\u0259l\u0259ri i\u015ftrak etmi\u015fdir.
\nKonfrans\u0131 Bavariya Elml\u0259r Akademiyas\u0131n\u0131n prezidenti prof. K.H. Hoffman a\u00e7araq dem\u0131\u015fd\u0131r: \u201cBiz prof. \u018ff\u0259ndiyevin fundamental elmi nailiyy\u0259tl\u0259ri haqq\u0131nda bilirik v\u0259 onun elmi karyeras\u0131n\u0131 izl\u0259yirik. O, n\u0259z\u0259ri v\u0259 t\u0259tbiqi riyaziyyatda fundamental n\u0259tic\u0259l\u0259ri \u0259ld\u0259 ed\u0259n nadir ekspertl\u0259rd\u0259n biridir. Biz \u00e7ox \u015fad\u0131q ki, o biziml\u0259 Almaniyadad\u0131r. \u018flb\u0259tt\u0259, o, Bavariya Elml\u0259r Akademiyas\u0131n\u0131n \u00fczv\u00fc olma\u011fa lay\u0131qd\u0131r v\u0259 biz onu Akademiyam\u0131z\u0131n \u00fczvl\u0259ri aras\u0131nda g\u00f6rm\u0259y\u0259 \u015fad olard\u0131q. Lakin, Akademiyam\u0131z\u0131n nizmnam\u0259sin\u0259 g\u00f6r\u0259 \u00a0yaln\u0131z Almaniya v\u0259t\u0259nda\u015f\u0131 onun \u00fczv\u00fc \u00a0ola bil\u0259r.\u201d
\nQeyd etm\u0259k laz\u0131md\u0131r ki 1759-ci ild\u0259 yaranm\u0131\u015f Akademiyan\u0131n \u00fczvl\u0259ri s\u0131ras\u0131nda m\u0259\u015fhur alman aliml\u0259ri Aleksandr v\u0259 Vilhelm Humbold, Maks Plank, Albert Eyn\u015fteyn, Verner Heyzenberq v\u0259\u00a0 Nobel m\u00fckafat\u0131na lay\u0131q g\u00f6r\u00fclm\u00fc\u015f dig\u0259r aliml\u0259rin ad\u0131 \u00e7\u0259kilir.
\nSpringer n\u0259\u015friyat\u0131n\u0131n n\u00fcmay\u0259nd\u0259si dok. Eva Hiripi konfrans zaman\u0131 prof. M\u0259sud \u018ff\u0259ndiyev\u0259 bildirmi\u015fdir ki, n\u0259\u015friyyat\u0131n elmi \u015furas\u0131 Az\u0259rbaycan riyaziyyat\u00e7\u0131s\u0131n\u0131n fundamental i\u015fl\u0259rini bil\u0259r\u0259k onun \u201cTibbin riyazi modell\u0259ri: in vivo, in vitro and in silico\u201dad\u0131nda yeni kitab\u0131n\u0131n el\u0259c\u0259 d\u0259 konfrans materiallar\u0131n\u0131n n\u0259\u015fr olunmas\u0131na maraq g\u00f6st\u0259rir. M\u0259sud \u018ff\u0259ndiyev d\u00fcnya \u015f\u00f6hr\u0259tli n\u0259\u015friyyat\u0131n onun kitab\u0131n\u0131n d\u0259rc edilm\u0259si \u00fc\u00e7\u00fcn t\u0259klifini t\u0259\u015f\u0259kk\u00fcrl\u0259 q\u0259bul etmi\u015fdir. Konfrans materiallar\u0131 \u201cMathematical Methods in the Applied Sciences\u201d jurnal\u0131nda d\u0259rc olunacaq, jurnal \u201cWiley\u201d (\u0130ngilt\u0259r\u0259) n\u0259\u015friyyat\u0131na m\u0259xsusdur.
\n\u00c7\u0131x\u0131\u015flar zaman\u0131 qeyd edilmi\u015fdir ki, M\u0259sud \u018ff\u0259ndiyev Almaniyada 23 il ya\u015famas\u0131na v\u0259 orada i\u015fl\u0259diyin\u0259 baxmayaraq \u00a0Az\u0259rbaycan v\u0259t\u0259nda\u015fl\u0131\u011f\u0131n\u0131 qoruyub saxlam\u0131\u015fd\u0131r.
\nAleksandr fon Humboldt laureatlar\u0131, o c\u00fcml\u0259d\u0259n elmi xidm\u0259tl\u0259rin\u0259 g\u00f6r\u0259 Fransan\u0131n F\u0259xri Legion laureatlar\u0131, B\u00f6yuk Britaniya Kral C\u0259miyy\u0259tinin \u00fczvl\u0259ri, Kanada, Danimarka, \u00c7ex Respublikas\u0131, Fransa, Almaniya, Portugaliya, Avstraliya \u0130nstitutular\u0131n\u0131n direktorlar\u0131 da m\u0259ruz\u0259 il\u0259 \u00e7\u0131x\u0131\u015f etmi\u015fl\u0259r .
\nM\u0259sud \u018ff\u0259ndiyev Az\u0259rbaycan\u0131n Zaqatala \u015f\u0259h\u0259rind\u0259 anadan olub, o orta m\u0259kt\u0259bi f\u0259rql\u0259nm\u0259 diplomu il\u0259 bitirib, Bak\u0131 v\u0259 \u00a0Moskva D\u00f6vl\u0259t Universitet\u0131nin riyaziyyat-mexanika fakult\u0259sind\u0259 t\u0259hsil alm\u0131\u015fd\u0131r. Diplom i\u015fini professor Mark Vi\u015f\u0131k v\u0259 Aleksandr \u015enirelman\u0131n r\u0259hb\u0259rliyi alt\u0131nda \u00a0yazm\u0131\u015fd\u0131r. \u00a0Bu i\u015f 1975-ci id\u0259 n\u0259\u015fr \u00fc\u00e7\u00fcn akademik \u018f\u015fr\u0259f H\u00fcseynov t\u0259r\u0259find\u0259n \u201cAz\u0259rbaycan SSR-i Elml\u0259r Akademiyas\u0131n\u0131n M\u0259ruz\u0259l\u0259ri\u201d jurnal\u0131na t\u0259qdim edilmi\u015fdir.
\nO, 1989-cu ild\u0259 birg\u0259 \u0259m\u0259liyyatlar aparmaq \u00fc\u00e7\u00fcn AB\u015e Merilend Universiteti t\u0259r\u0259find\u0259n \u00a0d\u0259v\u0259t olunub, orada onun elmi nailiyy\u0259tl\u0259ri il\u0259 maraqlanan alman h\u0259mkarlar\u0131 il\u0259 tan\u0131\u015f olmu\u015fdur.
\nEl\u0259 orada da Humboldt m\u00fckafat\u0131 m\u00fcsabiq\u0259sind\u0259 i\u015ftrak etm\u0259k \u00fc\u00e7\u00fcn s\u0259n\u0259dl\u0259rini t\u0259qdim etm\u0259\u00a0 t\u0259klif\u0131ni alm\u0131\u015fd\u0131r.
\nH\u0259mkarlar\u0131 onun namiz\u0259dliyini d\u0259st\u0259kl\u0259mi\u015fl\u0259r v\u0259 bu m\u00fckafat\u0131 alandan sonra \u018ff\u0259ndiyev onun ikinci v\u0259t\u0259ni say\u0131lan Almaniyada qalmaq q\u0259rar\u0131na g\u0259lmi\u015fdir.
\nO, professor olaraq Yaponiya, Avropa, Kanada v\u0259 AB\u015e-n\u0131n b\u00fct\u00fcn universitetl\u0259rind\u0259 bir \u00e7ox m\u0259ruz\u0259l\u0259r etmi\u015fdir. On apar\u0131c\u0131 Beyn\u0259lxalq jurnallar\u0131n\u0131n redaksiya \u015furalar\u0131n\u0131n \u00fczv\u00fc olmaqla b\u0259rab\u0259r, International Journal of \u00a0Biomathematics and Biostatistics jurnal\u0131n ba\u015f redaktoru v\u0259 Yaponiya, Almaniya, AB\u015e v\u0259 \u0130sve\u00e7r\u0259d\u0259 n\u0259\u015fr olunan be\u015f monoqrafiya m\u00fc\u0259llifidir.<\/p>\n","protected":false},"excerpt":{"rendered":"