Rusiyada Eksperimental Tibb İnstitutunun alimləri tərəfindən koronavirusa qarşı yoğurtşəkilli peyvənd hazırlanır.

m24.ru saytı xəbər verir ki, bu barədə Rusiya Elmlər Akademiyasının vitse-prezidenti, akademik Vladimir Çexonin deyib.

O, bildirib ki, hazırda dərmanın klinik sınaqları aparılır. Yeni preparat aerozol və ya instillyasiya şəklində ağız vasitəsilə bədənə daxil olan mukozal peyvəndlər növünə aiddir.

Rusiya Federasiyası Baş Nazirinin müavini Dmitriy Çernışenko koronavirusa qarşı kütləvi vaksinasiyaya payızda başlanılmasının nəzərdə tutulduğunu bildirib.

ria.ru saytı xəbər verir ki, D.Çernışenko vaksinasiya üzərində işlərin tam sürətlə davam etdirildiyini vurğulayıb. Onun sözlərinə görə, mütəxəssislər payızda kütləvi vaksinasiyaya başlamağın mümkünlüyünü söyləyirlər. O, əlavə edib ki, hələlik insanlar infeksiya risklərini nəzərə almaqla yaşamağı öyrənməlidir.

Rusiyanın “Vektor” Dövlət Virusologiya və Biotexnologiya Mərkəzində koronavirus infeksiyasına qarşı peyvənd hazırlanıb.

vedomosti.ru saytının məlumatına görə, yeni peyvənd burun damcısı şəklindədir. Mərkəzin baş direktoru Rinat Maksyutov bildirib ki, peyvəndin heyvanlar üzərində sınaqları uğurlu olub. Hazırda preparatın insanlar üçün səmərəliliyi və zərərsizliyi araşdırılır.

Qeyd edək ki, Rusiyada ümumilikdə 47 peyvənd üzərində tədqiqat işləri aparılır.

Bu gün Azərbaycanın milli bayramı-Respublika Günü qeyd olunur. 102 il əvvəl Şərqdə ilk demokratik respublika qurulub.

Azərbaycan Xalq Cümhuriyyətinin (AXC) qurulması 28 may 1918-ci ildə Tiflis şəhərində Qafqaz canişininin binasında Məhəmməd Əmin Rəsulzadənin sədri olduğu Azərbaycan Milli Şurası tərəfindən bəyan edilib.

Uzun bir dövr Azərbaycan Rusiyanın müstəmləkəsi olub. Ancaq Azərbaycan xalqı həmişə azadlığa, müstəqilliyə qovuşmaq üçün mübarizələr aparıb.

XX əsr tarixə yalnız elm, texnika əsri kimi yox, həm də milli oyanış, xalqların müstəmləkəçilikdən azad olmaları və milli dövlətlərin yaranması əsri kimi də daxil olub.

1917-ci ildə Rusiyada baş vermiş inqilab nəticəsində Romanovlar sülaləsinə son qoyuldu. Nəticədə Rus İmperiyası dağıldı. Xalqlar öz müqəddəratlarını özləri həll etməli oldular. Bu imkandan istifadə edərək 1918-ci il mayın 28-də Azərbaycanın milli qayəli, milli təfəkkürlü övladları Azərbaycan Demokratik Cümhuriyyətini elan etdilər.

ADR təkcə Azərbaycanda deyil, bütün Şərqdə ilk demokratik respublika idi. Bu Respublika parlamentli dövlət idi. Onun dövlət atributları – bayrağı, himni, gerbi qəbul edildi. Üç rəngli bayrağında türkçülük, islamçılıq və avropalaşmaq bir vəhdətdə idi. Ancaq ADC cəmi 23 ay yaşaya bildi. 1920-ci il aprelin 28-də bolşeviklərin 11-ci ordusu Azərbaycanı işğal etdilər və Respublika süqut etdi.

Respublika Günü – dövlət müstəqilliyinin bərpası günü – 1990-cı ildən dövlət bayramı kimi qeyd olunur. Əmək Məcəlləsinə görə, 28 may qeyri-iş günü elan edilib.

© Mənbə: www.oxu.az

Rusiyada COVID19-a qarşı vaksinin rəsmi sınaqları hələlik aparılmasa da, artıq Səhiyyə Nazirliyinin N.F.Qamalei adına Epidemiologiya və Mikrobiologiya Milli Tədqiqat Mərkəzinin əməkdaşları onu öz orqanizmlərində yoxlayıblar. Bu barədə elmi-tədqiqat institutunun direktoru, Rusiya Elmlər Akademiyasının həqiqi üzvü Aleksandr Ginsburq bildirib. O, qeyd edib ki, vaksinin əks təsirləri olmayıb. Lakin eksperimenti rəsmi sınaqlar üçün Səhiyyə Nazirliyindən icazə alındıqdan sonra uğurlu hesab etmək olar.

poisknews.ru saytının məlumatına görə, mərkəzdə hazırda primatlar üzərində aparılmış testlərin nəticələri gözlənilir. Bundan sonra Səhiyyə Nazirliyinə rəsmi kliniki sınaqların icazəsinə dair sorğu göndəriləcək.