Evklid b.e.ə. III əsrdə yaşamış qədim yunan alimidir. Onun haqqında tarixdə az məlumat qalmışdır. Evklidin elmə çox böyük xidməti olmuşdur. O, Həndəsədən o vaxtlar məlum olan faktları toplamış, sistemə salmış və yeni faktlarla zənginləşdirmişdir. Bu elmi fəaliyyət öz əksini onun yazdığı “Başlanğıclar” əsərində tapmışdır. Evklidin bu əsərində Həndəsə o qədər mükəmməl qurulmuşdur ki, 2000 il ərzində o, Həndəsənin ensiklopediyası olmuşdur. Evklidin B. əsəri 13 kitabdan ibarətdir. Bu əsərdə yunan və qədim Misir riyaziyyatçıalrının o perioddakı tədqiqatları sistemli şəkildə ifadə olunmuşdur. Tədqiqatlar riytaziyyatın müxtəlif sahələrini: elementar həndəsəni, ədədlər nəzəriyyəsini, cəbri, həndəsi kəmiyyətlərin ölçü nəzriyyəsini, limitlər nəzəriyyəsinin elementlərini əhatə edirdi.
Evklidin B. əsəri həndəsənin deduktiv üsulla qurulmasına aid çox yaxşı nümunədir.

Mənbə: Misir Mərdanov, Sabir Mirzəyev, Şabala Sadıqov, “Məktəblinin riyaziyyatdan izahlı lüğəti” kitabı , Bakı 2016

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.