26-29 noyabr tarixlərində Rusiyanın Xalqlar Dostluğu Universiteti, M.V.Lomonosov adına Moskva Dövlət Universiteti, REA V.A.Steklov adına Riyaziyyat İnstitutu, Moskva Fizika-Texniki İnstitutu, Moskva Texnologiya Universiteti və Riyaziyyat üzrə RF Təhsil və Elm Nazirliyinin elmi-metodik şuranın təşkilatçılığı ilə beynəlxalq konfrans keçiriləcək.

Rusiya Xalqlar Dostluğu Universitetində baş tutacaq “Funksional fəzalar. Diferensial operatorlar. Riyazi təhsilin problemləri” adlı V Beynəlxalq konfrans REA-nın müxbir üzvü, Avropa elmlər akademiyasının həqiqi üzvünün Lev D. Kudryavtsevin 95 illiyinə həsr olunub.

AMEA Riyaziyyat və Mexanika institutunun elmi işlər üzrə direktor müavini, AMEA-nın müxbir üzvü, professor Vaqif Quliyev konfransın proqram komitəsinin və “Elmi-Texniki İnformasiya” şöbəsinin müdiri, pedaqoji elmlər doktoru, professor Ramiz Aslanov isə təşkilat komitəsinin üzvləridirlər.

Onu da qeyd edək ki, professor Vaqif Quliyev tədbirdə plenar iclasda məruzə ilə çıxış edəcək.

Daha ətraflı>>

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.