– Azərbaycan müəllimlərinin I qurultayı nə vaxt olub?

Qurultay 1906-cı ilin avqust ayının 15-dən 28-nə qədər keçirilib (Bakıda).

Qurultay dövlət və canişinlik qarşısında aşağıdakı məsələləri qaldırdı:

– Zaqafqaziya Müəllimlər Seminariyasının Azərbaycan şöbəsini müsəlman mərkəzlərindən birinə köçürmək;

– həmin şöbəni müəllimlər seminariyasına çevirmək;

– həmin seminariyada Azərbaycan dilini əsas fənn kimi tədris etmək;

– müsəlman müəllimlərinin hüququnu başqa müəllimlərin hüququ ilə bərabər tutmaq;

– hər şəhərdə qız rus-Azərbaycan məktəbi açmaq;

– müsəlman müəllimləri üçün pedaqoji kurslar təşkil etmək.

Qurultayda qaldırılan bu məsələlərin heç birini həyata keçirmək mümkün olmadı. Lakin qurultay təsirsiz də qalmadı, müəllimlərə çox şeyi öyrətdi.

Mənbə: Misir Mərdanov. Azərbaycanın təhsil tarixi. “Təhsil” nəşriyyatı, 2011-ci il. Bakı, I cild, 295 s.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.