Niyazi Ələddin oğlu İlyasov 23 may 1955-ci ildə Mingəçevir şəhərində anadan olub. 1972-ci ildə Mingəçevir şəhər 3 saylı orta məktəbi bitirib. 1972-1975-ci illərdə Bakı Dövlət Universitetinin Mexanika-Riyaziyyat fakltəsinin əyani şöbəsində “riyaziyyat”ixtisası üzrə təhsil alıb.1979-1982-ci illərdə SSSR-in Elmlər Akademiyasının V.A Steklov adına Riyaziyyat İnstitutunun “Funksiyalar nəzəriyyəsi” şöbəsinin aspirantı,1987-ci ildə professor S.B.Steçkinin rəhbərliyi ilə “Funksiyaların struktur və konstruktiv xarakteristikaları üçün daxilolma teoremləri” mövzusunda dissertasiyası müdafiə edib. 1993-cü ildə Azərbaycan Respublikasının Prezidenti yanında Ali Attestasiya Komissiyası tərəfindən “Riyazi analiz” kafedrası üzrə dosent elmi dərəcəsi alıb.

2001-2002-ci illərdə AMEA Riyaziyyat və Mexanika İnstitutunun “Riyazi analiz” şöbəsində böyük elmi işçi, 2003-2014-cü illərdə aparıcı elmi işçi, 2022-ci ildən “Funksiyalar nəzəriyyəsi” şöbəsinin böyük elmi işçi vəzifəsində çalışır.

Niyazi İlyasov 100-dən çox elmi əsərin müəllifidir.

Riyaziyyat və Mexanika İnstitutunun kollektivi Niyazi müəllimi 70 illik yubileyi münasibətilə təbrik edir, ona can sağlığı və gələcək elmi fəaliyyətində yeni nailiyyətlər arzulayır.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.