20–22 fevral 2026-cı il tarixlərində Azərbaycan Respublikası Elm və Təhsil Nazirliyi Riyaziyyat və Mexanika İnstitutunun 12 nəfər əməkdaşı Azərbaycan Həmkarlar İttifaqları Konfederasiyasının (AHİK) təşkilatçılığı ilə istirahət və sağlamlıq məqsədli səfər çərçivəsində Şıx Sanatoriyasında olublar.

İki gün davam edən istirahət proqramı institut əməkdaşlarının sağlamlığının qorunması, iş qabiliyyətinin artırılması və kollektiv daxilində sosial münasibətlərin möhkəmləndirilməsi məqsədi daşıyıb. AHİK tərəfindən təşkil olunan bu təşəbbüs çərçivəsində iştirakçılar sanatoriyanın təqdim etdiyi müxtəlif tibbi-müalicəvi və profilaktik prosedurlardan faydalanıblar.

Proqram müddətində əməkdaşlara həkim nəzarəti altında fizioterapiya seansları, masaj prosedurları, hidroterapiya, müalicəvi vannalar və digər sağlamlaşdırıcı xidmətlər göstərilib. Eyni zamanda, istirahət zonalarında gəzintilər, sağlam həyat tərzinin təşviqi ilə bağlı maarifləndirici söhbətlər və kollektiv asudə vaxt tədbirləri təşkil olunub.

Səfər iştirakçıları göstərilən diqqət və qayğıya görə AHİK rəhbərliyinə minnətdarlıqlarını bildiriblər. Onlar bu cür sosial yönümlü layihələrin elmi müəssisələrdə çalışan əməkdaşların rifahının yüksəldilməsi baxımından xüsusi əhəmiyyət daşıdığını vurğulayıblar.

Previous Next

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.