Bu gün Ümuminstitut seminarında dosent Rza Çingiz oğlu Mustafayev “Maksimal kommutator və maksimal funksiyanın kommutatoru üçün Morri fəzalarında zəif-tipli qiymətləndirmələr” mövzusunda məruzə edib.

Məruzədə M Hardi-Litlvud maksimal operatorunun M_{L(logL), λ}(ℜⁿ) Ziqmund-Morri fəzalarında 0 < λ< n üçün məhdud olmadığı, M maksimal operatorunun Ziqmund-Morri fəzalarında radial azalan funksiyalar üçün məhdud qalması və iterativ maksimal operator M² – nın M_{L(logL), λ} (ℜⁿ) Ziqmund-Morri fəzasından  WM_L(logL),λ (ℜⁿ) zəif Ziqmund-Morri fəzasına məhdud təsir göstərdiyi müzakirə olunacaqdır. C_b maksimal kommutatorunun M_L(logL),λ(ℜⁿ) fəzasından  WM_L(logL),λ (ℜⁿ) fəzasına məhdudluğunu təmin edən b  funksiyalar sinifi xarakterizə edilmişdir. b ∈ BMO (ℜⁿ) və b^–∈L_∞(ℜⁿ) şərti daxilində [M, b]  kommutator operatorunun M_{L(logL), λ}(ℜⁿ) fəzasından WM_L(logL),λ (ℜⁿ) fəzasına məhdudluğu isbat edilmişdir.

Previous Next

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.