05/04/2018
Bu il “Riyaziyyatçılar üçün Nobel mükafatı” adlandırılan nüfuzlu Abel mükafatına kanadalı riyaziyyatçı, ədədlər nəzəriyyəsi və həndəsəylə bağlı Lenqlends proqramının müəllifi Robert Lenqlends (Robert Langlands) layiq görülüb.
Qeyd edək ki, R.Lenqlends ABŞ-ın Prinston Universitetinin Perspektivli Tədqiqatlar İnstitutunun fəxri professorudur. Alim tərəfindən 1967-ci ildə həyata keçirilən tədqiqat işlərinin mahiyyəti ədədlər nəzəriyyəsi və riyaziyyat elminin iki ayrı sahəsi olan təsəvvürlər nəzəriyyəsi arasında əlaqələrin müəyyən edilməsində ibarətdir.
Mükafatın təntənəli təqdimetmə mərasimi 2018-ci il mayın 22-də Osloda keçiriləcək.