08/10/2021
8 oktyabr 2021-ci il tarixində saat 14:00-da AMEA Riyaziyyat və Mexanika İnstitutunun ED 1.04 dissertasiya şurasının növbəti iclası (qismən əyani, eyni zamanda distant şəkildə) keçirildi. İclasda Natəvan Əmrah qızı Mustafayevanın “Bəzi qeyri-xətti məxsusi qiymət məsələlərinin həllərinin sonsuzluqdan qlobal bifurkasiyası” mövzusunda 1202.01 – Analiz və funksional analiz ixtisasında riyaziyyat üzrə fəlsəfə doktoru dissertasiya işinin müdafiəsi keçirilmişdir.
Dissertasiya işinin elmi rəhbəri fizika-riyaziyyat elmləri doktoru, professor Ziyadxan Seyfəddin oğlu Əliyev olmuşdur. Pandemiya şərtlərinə uyğun keçirilən şurada iddiaçı Natəvan Əmrah qızı Mustafayeva dissertasiya işini müvəffəqiyyətlə müdafiə etmişdir. Dissertasiya işi haqqında rəsmi opponentlər fizika-riyaziyyat elmləri doktoru, professor Hidayət Məhəmməd oğlu Hüseynov, riyaziyyat üzrə elmlər doktoru, dosent Telman Bensər oğlu Qasımov, fizika-riyaziyyat elmləri namizədi, dosent Elnur Həsən oğlu Xəlilov eləcə də şura üzvləri öz müsbət fikirlərini söyləmişlər.
Sonda gizli keçirilən səsvermənin nəticəsi müsbət olmuşdur.
© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.