“Riyazi analiz” şöbəsinin “Qrand Sobolev-Morri tipli fəzalarının bəzi xassələri” mövzusunda seminarı keçirilib

Bu gün “Riyazi analiz” şöbəsinin “Harmonik analizin müasir problemləri və tətbiqləri” adlı seminarı keçirilib. Seminarda “Funksiyalar nəzəriyyəsi” şöbəsinin aparıcı elmi işçisi, fizika-riyaziyyat elmlər doktoru, professor Nəcəfov Alik Malik oğlu “Qrand Sobolev-Morri tipli fəzalarının bəzi xassələri” mövzusunda məruzə edib.
Məruzədə qrand Sobolev-Morri tipli fəzalarının bəzi xassələri haqqında danışılıb.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

E L A N

05.06.2017-сi ildə saat 12.00-da “Funksiyalar nəzəriyyəsi” şöbəsinin növbəti seminarı keçiriləcək. Seminarda şöbənin müdiri r.e.d. Vüqar İsmayılov “C(X) fəzasının altcəbrləri üçün dövrlər, yarımdövrlər və bu anlayışların doğurduğu funksionallar” mövzusunda məruzə edəcək. Məruzədə cəbrlər cəmi üçün “dövr” və “yarımdövr” anlayışları daxil ediləcək və bu anlayışların doğurduğu funksionalların cəbrlər cəmi ilə göstəriliş məsələsində əhəmiyyətli rolundan danışılacaq.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

Gənc Riyaziyyatçılar Məktəbinin Nyuton binomu və birləşmələr nəzəriyyəsində qrafiki üsullar mövzusunda seminarı keçirilib

AMEA Riyaziyyat və Mexanika İnstitutu “Elm və təhsilin inteqrasiyası” proqramı çərçivəsində orta məktəb şagirdləri üçün riyaziyyatdan elmi-populyar mühazirə və seminarlar keçirir.
Gənc Riyaziyyatçılar məktəbi Nyuton binomu və birləşmələr nəzəriyyəsində qrafiki üsullar mövzusunda seminar keçirib.
Seminarı Türkiyə Dəyanət Vəkfi Bakı Türk Liseyinin 10-cu sinif şagirdi Əlizadə Səhər aparıb.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

E L A N

02.06.2017-ci il saat 11:00-da “Riyazi analiz” şöbəsinin “Harmonik analizin müasir problemləri və tətbiqləri” adlı seminarı keçiriləcəkdir. Seminarda “Funksiyalar nəzəriyyəsi” şöbəsinin aparıcı elmi işçisi, fizika-riyaziyyat elmlər doktoru, professor Nəcəfov Alik Malik oğlu “Qrand Sobolev-Morri tipli fəzalarının bəzi xassələri” mövzusunda məruzə edəcəkdir.
Məruzədə Qrand Sobolev-Morri tipli fəzalarının bəzi xassələri haqqında danışılacaqdır.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

AMEA-nın müxbir üzvü, professor Bilal Bilalov beynəlxalq konfransda plenar məruzə ilə çıxış edib

AMEA  Riyaziyyat və Mexanika İnstitutun “Qeyri-harmonik analiz” şöbəsinin müdiri, AMEA-nın müxbir üzvü, professor Bilal Bilalov 19.05.2017-20.05.2017-ci il tarixlərində Başqırdstan Dövlət Universitetinin Sterlitamak Filialında keçirilən “Modern Mathematics and its Applications” konfransında iştirak edib. Konfransda “Statistik yığılma, onun ümumiləşməsi, kəsilməz hal və Furye-Stiltyes çevirməsinə tətbiqi” mövzusunda plenar məruzə ilə çıxış edib.
Sonra 24.05.2017-27.05.2017-ci il tarixlərində professor Bilal Bilalov Başqırdstan Dövlət Universitetində keçirilən SSSR Elmlər Akademiyasının müxbir üzvü A.F.Leontyevin 100 illik yubileyinə həsr olunmuş beynəlxalq konfransda iştirak edib. Konfransda “Həyəcanlanmış triqonometrik sistemlərin bazislik məsələlərində sərhəd məsələsi metodu və onun bəzi abstrakt ümumiləşmələri” mövzusunda məruzə edib.
Ezamiyyə zamanı professor Bilal Bilalov Başqırdstan Pedaqoji Universitetinin professoru, Rusiyanın əməkdar elm xadimi Yaudat Sultanayev, Başqırdstan Dövlət Universitetinin professoru Azamat Axtyamov, Başqırdstan Dövlət Universitetinin “Riyazi məntiq və Cəbr” kafedrasının müdiri, professor Bulat Habibullin və digərləri ilə elmi müzakirələr aparmış, gələcəkdə “Tam funksiyalar nəzəriyyəsi metodlarının operatorlar nəzəriyyəsinə tətbiqi” mövzusunda birgə elmi araşdırmaların aparılması üzrə razılığa gəlinmişdir.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

“Hesablama riyaziyyatı və informatika” şöbəsinin “MATLAB proqramlaşdırma mühitində elektrik intiqalının idarəetmə interfeysinin yaradılması. Polimerlərin keyfiyyətinə nəzarət məsələlərinə tətbiqi” mövzusunda seminarı keçirilib

“Hesablama riyaziyyatı və informatika” şöbəsinin növbəti seminarında böyük elmi işçi, t.e.n. Sadıxov Vüqar Vaqif oğlu “MATLAB proqramlaşdırma mühitində elektrik intiqalının idarəetmə interfeysinin yaradılması. Polimerlərin keyfiyyətinə nəzarət məsələlərinə tətbiqi” mövzusunda məruzə ilə çıxış edib.
Məruzədə sabit cərəyan intiqallarının rejim parametrlərinə avtomatik nəzarət və idarə funksiyalarının geniş əhatə dairəsini həyata keçirən proqram kompleksi diqqətə çatırılıb. “MATLAB & SIMULINK” modelləşdirmə şablonundan istifadə xüsusiyyətləri və effektivliyi göstərilib. Yaradılmış interfeysin polimer sintezi proseslərində keyfiyyətə nəzarət və proqnoz məsələlərinin riyazi təminatının tərkib elementi olduğu göstərilib.

 Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.