AMEA Ruyaziyyat və Mexanika İnstitutunda A.X.Mirzəcanzadənin 85 illik yubileynə həsr olunmuş Beynəlxalq elmi konfransın keçirilməsi

Akademik Azad Xəlil oğlu Mirzacanzadənin respublikamızda və MDB ölkələrində elmin inkişafındakı xidmətlərini, yüksəkixtisaslı kadrlar hazırlanması sahəsindəki çoxşaxəli fəaliyyətini nəzərə alaraq Azərbaycan Milli Elmlər Akademiyası və Başqırdıstan Elmlər Akademiyası 21-22 noyabr 2013-cü ildə AMEA Ruyaziyyat və Mexanika İnstitutunda A.X.Mirzəcanzadənin 85 illik yubileynə həsr olunmuş Beynəlxalq elmi konfransın keçirilməsi haqqında qərar qəbul edilmişdir (AMEA Rayasət Heyətinin 03.07.2013-cü il tarixli 18/2 No-li qərarı).

AMEA-nın Riyaziyyat və Mexanika İnstitutunun Elmi Şurasının 04 sentyabr 2013-cü il tarixli 9 saylı iclasında aşağıdakı məsələlər müzakirə olunmuşdur

1. AMEA-nın elmi müəssisələrinin fəaliyyətinin qiymətləndirilməsi haqqında (AMEA RH-nin Sərəncamı №148, 18.07.2013).
Sərəncamda deyilir ki, Azərbaycan Milli Elmlər Akademiyası Rəyasət Heyətinin 03 iyul 2013-cü il tarixli 18/14 № -li qərarı ilə AMEA elmi müəssisələrinin fəaliyyətinin qiymətləndirilməsi məqsədilə komissiya (bundan sonra – Qiymətləndirmə komissiyası) yaradılmışdır. Qiymətləndirmə komissiyası tərəfindən AMEA-nın elmi müəssisələrinin fəaliyyətinin qiymətləndirilməsi üçün meyarlar hazırlanmışdır. AMEA-nın elmi müəssisələrinin fəaliyyətinin monitorinqi və qiymətləndirilməsi, o cümlədən, elmi işçilərin əsərlərinin hansı beynəlxalq elmi jurnallarda çap olunmasını, onlara olan isnadların sayını, dünyanın nüfuzlu elmi mərkəzləri və nəşriyyatları ilə əməkdaşlıqlarını, xarici alim və mütəxəssislərlə birgə tədqiqatların, beynəlxalq qrantlarda iştiraklarını müəyyənləşdirmək məqsədilə:
a) AMEA-nın elmi müəssisələrinin fəaliyyətinin qiymətləndirilməsi üçün meyarlar qəbul edilmişdir (əlavə edilir).
b) Elmi müəssisələrin rəhbərlərinə tapşırılsın ki, institutun elmi fəaliyyəti haqqında 2008-2013-cü illəri əhatə edən məlumatlar qiymətləndirmə meyarlarına uyğun hazırlanıb 2013-cü il sentyabrın 15-dək AMEA Rəyasət Heyəti Mərkəzi aparatının Elmi Təşkilat İdarəsinə təqdim edilməlidir.
AMEA Rəyasət Heyetinin 18 iyul 2013-ci il tarixli l48 nömrəli sərəncamına əlavə

2. Azərbaycan Respublikası Prezidentinin “Gənclər üçün Prezident Mükafatının təsis edilməsi haqqında” fərmanın icrası barədə (AMEA RH-nin Sərəncamı №177, 29.07.2013).
Azərbaycan Respublikasının Prezidenti “Gənclər üçün Prezident Mükafatının təsis edilməsi haqqında” 02 iyul 2013-cü il tarixli 934 №-li fərman imzalamışdır.
Fərmanın 1-ci bəndinə əsasən elm, mədəniyyət, o cümlədən ədəbiyyat və incəsənət, təhsil və ictimai fəaliyyət sahələrində xüsusi fərqlənən gənclər üçün ildə bir dəfə verilməklə, altı ədəd 10 000 (on min) manat məbləğində Prezident Mükafatı təsis edilmişdir. Bundan əlavə, fərmanın 2-ci bəndi ilə “Gənclər üçün Prezident Mükafatının Əsasnaməsi” təsis edilmişdir.

3. Avropa ölkələrində doktorantura təhsili haqqında (AMEA RH-nin Qərarı №18/13, 03.07.2013).
Azərbaycan Respublikası Prezidentinin “Azərbaycan Milli Elmlər Akademiyasının gənc alimlərinin Avropanın elmi mərkəzlərində doktorantura təhsilinin maliyyələşdirilməsi haqqında” 09 fevral 2010-cu il tarixli 719№-li sərəncamının icrası ilə əlaqədar AMEA-nın elmi müəssəsisə və təşkilatlarından müsabiqə əsasında 14 nəfər gənc alim seçilərək Avropa ölkələrinin nüfuzlu elmi mərkəzlərində doktorantura təhsili alması üçün artıq göndərilmişdir. Dövlət başçısının tapşırığına əsasən gənc alimlərin xarici ölkələrin nüfuzlu elm mərkəzlərində doktorantura təhsili alması, müasir standartlara uyğun elmi tədqiqatlar aparması ölkəmizin elmi kadr potensialının gücləndirilməsi, beynəlxalq elmi əlaqələrinin genişləndirilməsi və Azərbaycan elminin dünya elminə inteqrasiyası baxımından mühüm əhəmiyyətə malikdir.
Yeni təhsil ili üçün xaricdə doktoranturaya göndəriləcək gənc elmi işçilərin müəyyənləşdirilməsi məqsədilə müsabiqə elıan edilib.
4Cari məsələ: “Gənc alimlərin III Respublika İnnovativ İdeya Yarmarkası” 16-21 sentyabr 2013-cü il tarixində Novxanı, Olimpik Hoteldə keçiriləcəkdir.

“Gənc alimlərin III Respublika İnnovativ İdeya Yarmarkası” adlı tədbirdə AMEA-da çalışan və müxtəlif elm sahələri üzrə araşdırmalar aparan gənc alim, doktorantlar, eyni zamanda digər elmi-tədqiqat müəssisələrində və Universitetlərdə fəaliyyət göstərən elmi tədqiqatçılar iştirak edə bilərlər. Tədbirdə iştirak etmək istəyən gənc alim və tədqiqatçılar anket formasını doldurub təşkilat komitəsinə elektron formada, (tezislər 2 səh. və Times New Roman ə, 14 ölçüdə, üzərində iddiaçının adı, soyadı, iş və ya təhsil aldığı müəssisə, telefon və elektron poçt ünvanı yazılmaqla)) ideyayarmarkasi2013@mail.ruünvanına 12 sentyabr 2013-cü il saat 18.00 tarixinə qədər göndərə bilərlər. (Anket formasının elektron variantını www.strategiya.az veb  səhifəsindən əldə etmək olar).

AMEA Gənc Alim və Mütəxəssislər Şurasının tərkibi müəyyənləşib.

AMEA- nın Riyaziyyat və Mexanika institutunun əməkdaşı, riyaziyyat üzrə fəlsəfə doktoru Famil Seyfullayev Gənc alim və mütəxəssislər şurasının sədr müavini seçilib. Seçki Gənc alim və mütəxəssilər şurasının iclasında açıq səsvermə yolu ilə keçirilib. AMEA Radiasiya Problemləri İnstitutunun əməkdaşı, fizika üzrə fəlsəfə doktoru Famin Salmanov Şuranın sədri, AMEA Riyaziyyat və Mexanika İnstitutunun əməkdaşı, riyaziyyat üzrə fəlsəfə doktoru Famil Seyfullayev və Nizami adına Ədəbiyyat İnstitutunun əməkdaşı, filologiya üzrə fəlsəfə doktoru Eşqanə Babayeva isə sədr müavinləri seçiliblər.

İclasda AMEA prezidenti, akademik Akif Əlizadə ölkəmizdə gənc alimlərə dövlət tərəfindən göstərilən diqqət və qayğıdan söhbət açıb. Bildirib ki, bu istiqamətdə mühüm tədbirlər həyata keçirilir. Akademik Akif Əlizadə Gənc alim və mütəxəssislər şurasının elmi nailiyyətlərin əldə edilməsinə öz töhfəsini verəcəyinə əminliyini bildirib.

Qeyd edək ki, Gənc alim və mütəxəssislər şurası AMEA-nın Rəyasət Heyətində yeni yaradılıb.

İnstitutumuzun əməkdaşı gənc alim Famil Seyfullayevi qazandığı nailiyyətə görə təbrik edirik.

Bu gün Müdafiə Sənayesi nazirliyində AMEA-nın Rliyaziyyat və Mexanika İnstitutunun əməkdaşları nazirliyin aparatının və elmi qurumlarının rəhbərləri arasında rəsmi görüş keçirilmişdir.

Görüşü nazir müavini Yəhya Musayev açaraq nazirlik tərəfindən iştirak edənləri təqdim etmiş və nazirliyin fəaliyyəti barədə qısa məlumat vermişdir.

İnstitutun direktoru, professor Misir Mərdanov səmimi qəbul üçün təşəkkürünü bildirib, institutun görüşdə iştirak edən alimlərini təqdim etmişdir.
Nəticədə qərara alınmışdır ki, AMEA-nın Riyaziyyat və Mexanika İnstitutunun alimləri Müdafiə Sənayesi nazirliyinin elmi-tədqiqat institutları və obyektlərində görüşlər keçirərək, öz elmi potensialları barədə qarşı tərəfi məlumatlandırsınlar və ölkənin müdafiə sənayesinin daha da möhkəmlənməsi və inkişafı üçün birgə elmi tədqiqat işlərinin istiqamətlərini müəyyənləşdirsinlər.
Riyaziyyat və Mexanika İnstitutundan görüşdə iştirak edənlər:

İnstitutun direktoru ,prof. Misir Mardanov
Direktor müavini, prof. Soltan Əliyev
Elastiklik və plastiklik nəzəriyyəsi şöbəsi, Prof. Vaqif Hacıyev
Tətbiqi riyaziyyat şöbəsinin müdiri, prof. Qabil Əliyev
Differensial tənliklər şöbəsinin müdiri, prof.Əkbər Əliyev
Dalğa dinamikası şöbəsinin müdiri, prof. Cəfər Ağalarov
Maye və qaz mexanikası şöbəsinin müdiri, prof. Qeylani Pənahov
Sürüncəklik nəzəriyyəsi şöbəsinin müdiri, prof. Lətif Talıblı
Qeyri-harmonik analiz şöbəsinin müdiri, prof. Bilal Bilalov

“Kainatı kəşf edək” fotomüsabiqəsinin nəticələri açıqlanıb

Azərbaycan Milli Elmlər Akademiyasının (AMEA) N.Tusi adına Şamaxı Astrofizika Rəsədxanasının (ŞAR) təşkilatçılığı, Azərbaycan Fotoqrafları Birliyinin (AFB) dəstəyi ilə keçirilən “Kainatı kəşf edək” fotomüsabiqəsinin nəticələri noyabrın 6-da açıqlanıb.

Avqustun 11-dən sentyabrın 20-dək peşəkar fotoqraf və həvəskarlar tərəfindən səmanın gözəlliyini əks etdirən fotoşəkillər qəbul olunub. Azərbaycan ilə yanaşı, Türkiyə, Rusiya, İran və Qazaxıstandan peşəkar və həvəskar fotoqrafların müsabiqəyə təqdim etdikləri 100-dən çox foto kodlaşdırıldıqdan sonra ŞAR-ın direktoru, AMEA-nın müxbir üzvü Namiq Cəlilov, AMEA Memarlıq və İncəsənət İnstitutunun direktoru, akademiyanın müxbir üzvü Ərtegin Salamzadə və AFB idarə heyətinin sədri Mirnaib Həsənoğludan ibarət münsiflər heyəti tərəfindən qiymətləndirilib. Yekun qərara əsasən, birinci yerə Ali İhsan Öztürk, ikinci yerə Aleksandr Ağababayev, üçüncü yerə isə Etibar Cəfərovun çəkdiyi fotolar layiq görülüb. Bundan başqa, seçilmiş 25 ən yaxşı foto AMEA-nın Mərkəzi Elmi Kitabxanasında təşkil olunmuş sərgidə nümayiş etdirilib.

Qaliblər “Kainata səyahət” astroturizm mərkəzində istirahət imkanı qazanıb, rəsədxananın xüsusi diplomu və hədiyyələrlə mükafatlandırılıblar.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.