E L A N

29 sentyabr 2017-ci il tarixində saat 16:00-da AMEA RMİ-nın nəzdində elmlər doktoru və fəlsəfə doktoru elmi dərəcəsi almaq üçün təqdim olunan dissertasiyaların müdafiəsini keçirən D.01.111 dissertasiya şurasının iclasında Aytəkin Ehtiram qızı Abdullayevanın “Funksiyaların Bernşteyn-Xlodovski polinomları ilə yaxınlaşması” mövzusunda 1202.01-Analiz və funksional analiz ixtisasında riyaziyyat üzrə fəlsəfə doktoru elmi dərəcəsi almaq üçün təqdim edilmiş dissertasiyasının müdafiəsi AMEA Riyaziyyat və Mexanika İnstitutunun akt zalında keçiriləcək.

Təqdim edilmiş dissertasiyanın avtoreferatına baxmaq üçün aşağıdakı linkə keçid edin: http://www.imm.az/avtoref/2017/29.09.17_Aytekin_Abdullayeva.pdf

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

AMEA-da kvant texnologiyalarının tətbiqi və inkişaf perspektivləri müzakirə olunub

Sentyabrın 22-də Azərbaycan Milli Elmlər Akademiyası Rəyasət Heyətinin iclasında müzakirə olunan məruzə kvant texnologiyalarının tətbiqi və inkişaf perspektivlərinə həsr olunub.

Məruzəni təqdim edən AMEA Fizika-Riyaziyyat və Texnika Elmləri Bölməsinin akademik-katibi, Fizika İnstitutunun direktoru, akademik Nazim Məmmədov 1911-ci ildə Nobel mükafatı laureatı Maks Plankın yeni kvant nəzəriyyəsini müzakirəyə çıxardığını və bununla da müasir elmi istiqamətin əsasının qoyulduğunu deyib. Ötən əsrdə bir çox dövlətlərdə kvant yanaşmasına əsaslanan yeni texnologiyaların inkişafı üçün elmi mərkəzlərin yaradıldığını bildirən akademik onların fəaliyyətindən söhbət açaraq kvant fizikası ideyalarının elm və texnologiyaların, o cümlədən süni intellekt, əşyaların interneti, Big Data, robototexnika, kriptoqrafiyanın inkişafında rolundan danışıb.

Akademik Nazim Məmmədov respublikamızda kvant fizikası sahəsində elmi-tədqiqat işlərinin XX əsrin 70-ci illərindən başlayaraq aparıldığını, kvant mexanikası sahəsində kifayət qədər güclü kadr potensialının və dayanıqlı metodoloji bazanın mövcud olduğunu qeyd edib. AMEA-nın Fizika, Riyaziyyat və Mexanika, Radiasiya Problemləri institutlarında, həmçinin Bakı Dövlət Universitetində aparılan elmi tədqiqatlarda əldə olunan nəticələrin yüksək impakt faktorlu jurnallarda dərc edildiyini, bu sahədə dünyanın bir sıra elmi mərkəzlərilə birgə eksperimental işlərin aparıldığını bildirib. Kvant yanaşmasına əsaslanan yüzdən artıq kompüter proqramının mövcud olduğunu qeyd edən akademik həmin proqramların multidissiplinar xarakterli, geniş spektrli məsələlərin həllində tətbiqindən danışıb, bir sıra proqramların Fizika İnstitutunda geniş istifadə olunduğunu deyib. Bölmə rəhbəri həmçinin kvant koqnitivliyi nəzəriyyəsindən, onun müxtəlif sahələrdə tətbiqinin əhəmiyyətindən bəhs edib.

Çıxışının sonunda alim bu istiqamətdə tədqiqat aparan elmi müəssisələr arasında əməkdaşlığın genişləndirilməsi, dünyanın aparıcı elmi mərkəzləri ilə beynəlxalq elmi əməkdaşlığın gücləndirilməsinin zəruriliyini qeyd edib.

Məruzə dinlənildikdən sonra Rəyasət Heyətində müzakirə olunub. Mövzu ətrafında akademiklər – Dilqəm Tağıyev, Rasim Əliquliyev, Telman Əliyev, AMEA-nın müxbir üzvləri – Misir Mərdanov, Ramiz Alıquliyev və başqaları çıxış edərək məruzənin müasir dövr üçün əhəmiyyətindən danışıb, təkliflərini bildiriblər.

Mənbə: www.science.gov.az

 © Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

E L A N

27.09.2017 il tarixində AMEA-nın Riyaziyyat və Mexanika İnstitutunun akt zalında saat 11:00-da Bakı şəhəri Təcili Təxirəsalınmaz Tibbi Yardım Stansiyasının həkimləri tərəfindən ilkin tibbi yardım haqqında məlumat veriləcək.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

Lobaçevski Nikolay İvanoviç

AMEA Riyaziyyat və Mexanika İnstitutuLobaçevski Nikolay İvanoviç (1792-1856) –  Rus riyaziyyatçısı, Qeyri-Evklid həndəsinin banisi, xalq maarifi xadimidir.
1811-ci Kazan universitetini bitimiş və orada fəaliyyət göstərmişdir. 1827-1848-ci illərdə həmin universitetin rektoru olmuş, riyaziyyatı, fizikanı və astronomiyanı tədris etmişdir. Lobaçevski “Həndəsənin əsaslarının yığcam şərhi” əsəri Qeyri-Evklid həndəsəyə aid dünyada nəşr olunan ilk əsərdir. Onun yaratdığı Lobaçevski Həndəsəsi Evklid həndəsəsindən kəskin fərqlənir. Müasirləri Lobaçevski elmi ideyalarını başa düşməmişlər. Universitetin elmi şurasının təqdim etdiyi “Həndəsənin əsasları haqqında” əsərinə Elmlər Akademiyasında M.V.Ostroqradski mənfi rəy vermişdir. Buna baxmayaraq, Lobaçevski həndəsəyə aid tədqiqatlarını dayandırmamış və 1840-cı ildə onun “Həndəsi tədqiqatlar” əsəri Almaniyada nəşr olunmuşdur. Lobaçevski cəbri tənliyin təqribi həlli üçün yeni üsul işləmiş, riyazi analizdə triqonometrik sıralar haqqında bir neçə teorem vermiş, kəsilməz funksiya və başqa anlayışları dəqiqləşdirmişdir. Kazan şəhərində heykəli qoyulmuşdur.

Mənbə: Misir Mərdanov, Sabir Mirzəyev, Şabala Sadıqov, “Məktəblinin riyaziyyatdan izahlı lüğəti” kitabı , Bakı 2016.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

E L A N

29 sentyabr 2017-ci il tarixində saat 14:00-da AMEA RMİ-nın nəzdində elmlər doktoru və fəlsəfə doktoru elmi dərəcəsi almaq üçün təqdim olunan dissertasiyaların müdafiəsini keçirən D.01.111 dissertasiya şurasının iclasında Elman Cavanşir oğlu İbrahimovun “Qeqenbauer diferensial operatoru ilə bağlı harmonik analizin bəzi aspektləri” mövzusunda 1202.01-Analiz və funksional analiz ixtisasında riyaziyyat üzrə elmlər doktoru elmi dərəcəsi almaq üçün təqdim edilmiş dissertasiyasının müdafiəsi AMEA Riyaziyyat və Mexanika İnstitutunun akt zalında keçiriləcək.

Təqdim olunan dissertasiyaların avtoreferatları ilə tanış olmaq üçün aşağıdakı linkə keçid edin: http://www.imm.az/avtoref/2017/29.09.17_Elman_Ibrahimov.pdf

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

E L A N

27.09.2017-ci il tarixində saat 12.00-da “Diferensial tənliklər” şöbəsinin növbəti seminarı keçiriləcəkdir. Seminarda Bakı Dovlət Universitetinin dosenti Sevda İsayeva “Hiperbolik tənliklər üçün akustik sərhəd şərtli qarışıq məsələlər” mövzusunda çıxış edəcəkdir.

Məruzədə bu sahədə olan əsas nəticələr haqqında məlumat veriləcək və bir hiperbolik tənliklər sistemi üçün akustik qoşmalıq şərti daxilində qarışıq məsələnin zəif həllinin varlığı, güclü həllinin isə varlığı və yeganəliyi haqqında danışılacaq.

Arzu edənlər iştirak edə bilərlər.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.