Riyaziyyat və Mexanika İnstitutunda Xocalı soyqırımının 26-cı ildönümü anıldı

Bu gün AMEA Riyaziyyat və Mexanika İnstitutunda Xocalı soyqırımının 26-cı ildönümü anıldı. Tədbiri giriş sözü ilə açan institutun direktoru, AMEA-nın müxbir üzvü, professor Misir Mərdanov mənfur ermənilərin qəddarlığından, o cümlədən 1992-ci il fevralın 25-dən 26-na keçən gecə keçmiş sovet ordusunun 366-cı motoatıcı alayının köməyi ilə Xocalıda törətdikləri dəhşətli qırğınlardan danışdı:

“Hücumdan əvvəl, fevralın 25-i axşam çağından şəhər toplardan və ağır zirehli texnikadan şiddətli atəşə tutulmağa başlamışdır. Nəticədə şəhərdə yanğınlar baş vermiş və fevralın 26-ı səhər saat 5 radələrində şəhər tam alova bürünmüşdür. Belə bir vəziyyətdə, erməni əhatəsində olan şəhərdə qalmış təqribən 2500 nəfər əhali yaxınlıqdakı azərbaycanlılar məskunlaşmış Ağdam rayonunun mərkəzinə çatmaq ümidi ilə şəhəri tərk etməyə məcbur olmuşdur. Ancaq bu niyyət baş tutmadı. Şəhəri yerlə yeksan etmiş erməni silahlı dəstələri və motoatıcı alayın hərbiçiləri dinc əhaliyə divan tutdular.

Bu qırğının nəticəsində 613 nəfər həlak olmuşdur, onlardan: uşaqlar – 63 nəfər, qadınlar – 106 nəfər, qocalar – 70 nəfər, 8 ailə tamamilə məhv edilmişdir. 25 uşaq hər iki valideynini, 130 uşaq valideynlərindən birini itirmişdir. 487 nəfər yaralanmış, onlardan: uşaqlar – 76 nəfər; 1275 nəfər əsir götürülmüş, 150 nəfər itkin düşmüşdür”.

Misir Mərdanov Xocalı soyqırımının ildönümü günündə erməni yazarlarının etiraflarını xatırlatdı. Qeyd etdi ki, bu soyqırımın nə qədər dəhşətli olduğunu təsəvvür etməkdən ötrü ermənilərin fəxarətlə yazdıqları etiraflardan tutarlı fakt ola bilməz.

Qarabağ hadisələrinin iştirakçışı, ermənilərin ən çox sevdiyi ideoloqlarından biri, yazıçı-şair Zori Balayan “Ruhumuzun dirçəlişi” adlı kitabında 1992-ci ilin 26 fevralında Xocalıda törətdikləri soyqırım haqqında yazır:

“Biz Xaçaturla Xocalıda ələ keçirdiyimiz evə girərkən əsgərlərimiz 13 yaşlı bir türk uşağını pəncərəyə mismarlamışdılar. Türk uşağı çox səs-küy salmasın deyə, Xaçatur uşağın anasının kəsilmiş döşünü onun ağzına soxdu. Daha sonra 13 yaşındakı türkün başından, sinəsindən və qarnından dərisini soydum. Saata baxdım, türk uşağı 7 dəqiqə sonra qan itirərək dünyasını dəyişdi. Ruhum sevincdən qürurlandı. Xaçatur daha sonra ölmüş türk uşağının cəsədini hissə-hissə doğradı və bu türklə eyni kökdən olan itlərə atdı. Axşam eyni şeyi daha 3 türk uşağına etdik. Mən bir erməni kimi öz vəzifəmi yerinə yetirdim. Bilirdim ki, hər bir erməni hərəkətlərimizlə fəxr duyacaq”.

Ayağımı 9-11 yaşlı uşaq meyitinin üstünə qoydum…
Daha bir erməni müəllif, hazırda Livanda məskunlaşmış yazıçı-jurnalist David Xerdiyan Xocalıda ermənilərin Azərbaycan türklərinin başına gətirdikləri müsibətləri “Xaç uğrunda” kitabında fəxrlə xatırlayır. “Xaç uğrunda” kitabının 19-76-cı səhifələrində Xocalı soyqırımında müəllif yazır:

“Səhərin soyuğunda biz Daşbulaq yaxınlığındakı bataqlıqdan keçmək üçün ölülərdən körpü düzəltməli olduq. Mən ölülərin üstünə getmək istəmədim. Bunu görən polkovnik-leytenant Ohanyan mənə işarə etdi ki, qorxmayın. Mən ayağımı 9-11 yaşlı qız meyidinin sinəsinə basıb addımlamağa başladım. Mənim ayaqlarım və şalvarım qan içində idi. Və mən beləcə 1200 meyidin üstündən keçdim”.

“Martın 2-də “Qaflan” erməni qrupu (meyitləri yandırmaqla məşğul olurdu) 2000-ə yaxın alçaq monqolun (türklərin) cəsədini toplayıb ayrı-ayrı hissələrlə Xocalının 1 km-liyində yandırdı. Axırıncı yük maşınında mən başından və qollarından yaralanmış təxminən 10 yaşlı bir qız uşağını gördüm. Diqqətlə baxanda gördüm ki, o yavaş-yavaş nəfəs alır. Soyuq, aclıq və ağır yaralanmasına baxmayaraq, o hələ də sağ idi. Ölümlə mübarizə aparan bu uşağın gözlərini mən heç vaxt yaddan çıxarmayacam. Sonra Tiqranyan familiyalı bir əsgər onun qulaqlarından tutub artıq üzərinə mazut tökülmüş cəsədlərin içərisinə atdı. Daha sonra onları yandırdılar. Tonqaldan ağlamaq və imdad səsləri gəlirdi”…

Doğma yurdlarında didərgin düşmüş və Azərbaycanın 48 rayonuna səpələnmiş Xocalı sakinləri Dağlıq Qarabağ münaqişəsinin ədalətli həlli, Ermənistanın Azərbaycana qarşı təcavüzünün dəf edilməsi, ölkənin ərazi bütövlüyünü bərpa edilməsi ümidi ilə yaşayırlar.

Azərbaycanın qüdrətli dövlətə çevrilməsi deməyə əsas verir ki, ölkəmiz Dağlıq Qarabağ münaqişəsinin həllinə nail olacaq. Belə güclü yəqinliyi şərtləndirən ən böyük amillər – xalqımızın vətənpərvərliyi, igidliyi, döyüşkən ruhu, torpağa məhəbbəti, həmçinin dövlətimizin başçısının uğurlu siyasəti və qətiyyətli mövqeyidir.

Tədbirin sonunda Xocalı faciəsi qurbanlarının xatirəsi bir dəqiqəlik sükutla yad edildi.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

“Multixətti sinqulyar və kəsr inteqral operatorların ümumiləşmiş çəkili Morri fəzalarında məhdudluğu” mövzusunda seminar keçirilib

Bu gün “Riyazi analiz” şöbəsinin “Harmonik analizin müasir problemləri və tətbiqləri” adlı seminarı keçirilib. Seminarda şöbənin böyük elmi işçisi, r.ü.f.d Ömərova Mehriban Nazım qızı “Multixətti sinqulyar və kəsr inteqral operatorların ümumiləşmiş çəkili Morri fəzalarında məhdudluğu” mövzusunda məruzəsinin davamı olub.

Məruzədə multixətti sinqulyar və kəsr inteqral operatorların ümumiləşmiş çəkili Morri fəzalarında məhdudluğu haqqında danışılıb. Həmçinin ümumiləşmiş çəkili Morri fəzalarının düz hasilində multixətti Kalderon-Ziqmund və Riss potensial operatorlarının məhdudluğu müzakirə edilib.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

Fevralın 25-də ali məktəblərin və AMEA-nın magistraturalarına qəbul imtahanı keçiriləcək

Dövlət İmtahan Mərkəzi (DİM) fevralın 25-də ali təhsil müəssisələrinin və AMEA-nın magistraturalarına qəbul imtahanının birinci mərhələsini keçirəcək.

Magistratura səviyyəsinə qəbul imtahanının birinci mərhələsi respublikanın beş şəhərində – Bakı, Naxçıvan, Gəncə, Mingəçevir və Lənkəran şəhərlərində, ümumilikdə 38 imtahan binasında aparılacaq. İmtahan saat 13:00-da başlanacaq və 2 saat 30 dəqiqə davam edəcək.

Ərizələrin qəbulu İnternet vasitəsilə fevralın 2-dən 13-dək aparılıb. İmtahanda iştirak üçün 12.387 bakalavr ərizə təqdim edib. Onlardan 11.205-i Azərbaycan bölməsi, 1.182-si rus bölməsi üzrə imtahan verəcək.

Ərizə vermiş bakalavrlar imtahanda iştirak üçün fevralın 16-dan etibarən DİM-in İnternet saytına daxil olub “şəxsi kabinet”in istifadəçi adı və parolundan istifadə etməklə “İmtahana buraxılış vərəqəsi”ni çap edirlər. Burada iştirakçının imtahan verəcəyi şəhər, bina və digər məlumatlar qeyd olunur.

Bakalavrlar imtahana gələrkən aşağıdakı sənədləri mütləq özləri ilə gətirməlidirlər:

– Şəxsiyyəti təsdiqləyən sənədin əslini;

– “İmtahana buraxılış vərəqəsi”ni.

Göstərilən sənədlər arasında uyğunsuzluq aşkarlanan, yaxud həmin sənədlərdən biri olmayan şəxslər imtahana buraxılmayacaqlar.

Mənbə: elm.az

Doktoranturaya ixtisas fənləri üzrə qəbul imtahanı keçirilib

AMEA Riyaziyyat və Mexanika İnstitutunda müvafiq ixtisas fənləri üzrə fəlsəfə doktorluğu üzrə doktoranturaya test üsulu ilə qəbul imtahanı keçirilmişdir.  İnstitutun direktoru, AMEA-nın müxbir üzvü, professor Misir Mərdanovun sədrlik etdiyi imtahan komissiyasına

1202.01- “Analiz və funksional analiz” ixtisası üzrə

1.f-r.e.d., prof. Həmidulla Aslanov

  1. f-r.e.d., prof. Alik Nəcəfov
  2. r.e.d. Vüqar İsmayılov

1211.01- “Diferensial  tənliklər” ixtisası üzrə 

  1. f-r.e.d., prof.  Əkbər Əliyev
  2. f-r.e.d., prof. Ziyatxan Əliyev
  3. f-r.e.n., Əbdurrəhim Quliyev

1212.01-  “Riyazi fizika tənlikləri” ixtisası üzrə

  1. r.e.d., prof. Ədalət Axundov
  2. r.e.d., prof. Fərman Məmmədov
  3. f-r.e.n., dos. Şirmayıl Bağırov

1214.01-“Dinamik sistemlər və optimal idarəetmə” ixtisası üzrə

  1. f-r.e.d., prof. Telman Məlikov
  2. r.e.d., prof. Rafiq Tağıyev
  3. f-r.e.d., prof. Hamlet Quliyev

2002.01- “Deformasiya olunan bərk cism mexanikası” ixtisası üzrə

  1. f-.r.e.d., prof. Cəfər Ağalarov
  2. f-.r.e.d., prof. Qabil Əliyev
  3. f-r.e.n.,dos. Əlizadə Seyfullayev

2003.01-“Maye,qaz və plazma mexanikası” ixtisası üzrə

  1. f-r.e.d., prof.Faiq Nağıyev
  2. t.e.n.,dos. Eldar Abbasov
  3. f-r.e.n.,dos. Gülşən Ağayeva

daxildirlər.

İmtahanda doktoranturaya sənəd verən 7 nəfərdən  7-si iştirak edib. İmtahandan dərhal sonra nəticələr açıqlanıb. 6 nəfər “5”, 1 nəfər “3” qiymət alıb. Bundan sonra onlar daha iki fəndən – xarici dildən və fəlsəfədən imtahan verəcəklər. Həmin imtahanlardan sonra ümumi nəticələrə əsasən doktoranturaya qəbul olanların adları məlum olacaq.

Xatırladaq ki, 2017-2018-ci tədris ili üçün fəlsəfə doktoru hazırlığı üzrə Riyaziyyat və Mexanika İnstitutuna doktoranturaya qəbul üzrə 7 yer ayrılıb .

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

“Hiperbolik tip tənlik üçün tərs məsələlərin ədədi həlli” mövzusunda seminar keçirilib

Bu gün «Optimal İdarəetmə» şöbəsinin növbəti seminarı keçirilib. Seminarda AMEA İdarəetmə Sistemləri İnstitutunun aparıcı elmi işçisi, r.ü.f.d., dos. Anar Rəhimov “Hiperbolik tip tənlik üçün tərs məsələlərin ədədi həlli” mövzusunda çıxış edib.

Məruzədə sağ tərəfdə naməlum əmsallı hiperbolik tip tənlik üçün tərs məsələlərə baxılıb. Məsələlərin ədədi həlli üçün düz xətlər üsuluna əsaslanan yanaşma təklif olunub.

İlkin məsələ naməlum parametrli adi diferensial tənliklər sisteminə gətirilib. Bu sistemi həll etmək üçün qovma üsuluna analoji üsul təklif olunub.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.

E L A N

23.02.2018-ci il saat 11:00-da “Riyazi analiz” şöbəsinin “Harmonik analizin müasir problemləri və tətbiqləri” adlı seminarı keçiriləcəkdir. Seminarda şöbənin böyük elmi işçisi, r.ü.f.d Ömərova Mehriban Nazım qızı “Multixətti sinqulyar və kəsr inteqral operatorların ümumiləşmiş çəkili Morri fəzalarında məhdudluğu” mövzusunda məruzəsinin davamı olacaqdır.

Məruzədə multixətti sinqulyar və kəsr inteqral operatorların ümumiləşmiş çəkili Morri fəzalarında məhdudluğu haqqında danışılacaq. Həmçinin ümumiləşmiş çəkili Morri fəzalarının düz hasilində multixətti Kalderon-Ziqmund və Riss potensial operatorlarının məhdudluğu müzakirə ediləcəkdir.

© Bütün hüquqlar qorunur. Xəbərlərdən istifadə edərkən www.imm.az saytına istinad zəruridir.