Iyunun 4-də AMEA-nın Riyaziyyat və Mexanika İnstitutunda “ Freymin ümumiləşdirilməsi və onun dayanıqlığı ” mövzusunda Ümuminstitut seminarı keçirildi.

Iyunun 4-də AMEA-nın Riyaziyyat və Mexanika İnstitutunda “ Freymin ümumiləşdirilməsi və onun dayanıqlığı  ” mövzusunda Ümuminstitut seminarı keçirilib. Seminarda “Qeyri-harmonik analiz” şöbəsinin əməkdaşı, f-r.e.n. Miqdad İsmayılov məruzə edib.
Qeyd edək ki, son zamanlar tətbiq nöqteyi baxımından freymlərin öyrənilməsinə maraq sürətlə artıb. Freymlərin öyrənilməsində dayanıqlıq məsələsi və freym üzrə bərpaedici düsturun alınması vacib məsələlərdən biridir.

E L A N

04.06.2014-cü il saat 10:00-da Ümuminstitut seminarında “Qeyri-harmonik analiz” şöbəsinin əməkdaşı, f-r.e.n.

Miqdad İmdad oğlu İsmayılov “ Freymin ümumiləşdiril-məsi və onun dayanıqlığı” mövzusunda  məruzə edəcəkdir.

Son zamanlar tətbiq nöqteyi baxımından freymlərin öyrənilməsinə maraq sürətlə artıb. Qeyd edək ki, freymlər qeyri harmonik Furye sıraları nəzəriyyəsinin öyrənilməsində Daffin və Şeffer tərəfindən 1952-ci ildə verilmişdir. Freymlərə məşhur P. Casazza,  O. Christensen, R. Balan, A. Aldrobi  və s.  riyaziyyatçıların çoxlu sayda işləri həsr edilmişdir. Banax fəzalarına freymin köçürülməsi ilə  G. Gröchenig tərəfindən atomar ayrılış və Banax freymi daxil edilmişdir. Freymin g freym, xd-freym, g-Banax  freym  ümumiləşdirilmələri vardır.  Freymlərin öyrənilməsində dayanıqlıq məsələsi və freym üzrə  bərpaedici düsturun alınması vacib məsələlərdir.

AMEA Riyaziyyat və Mexanika İnstitutunun Gənc Alim və Mütəxəssislər Şurası Lənkəranda məktəblilərlə 28 May-Respublika Gününə həsr olunmuş “Məntiqlə düşün” devizi altında bilik yarışması keçirmişdir.

“MƏNTİQLƏ DÜŞÜN” DEVİZI ALTINDA BİLİK YARIŞMASI LƏNKƏRAN ŞƏHƏRİNDƏ Azərbaycan Milli Elmlər AkademiyasıNIN (AMEA) Riyaziyyat və Mexanika İnstitutunun Gənc Alim və Mütəxəssislər Şurası Lənkəranda məktəblilərlə 28 May-Respublika Gününə həsr olunmuş “Məntiqlə düşün” devizi altında bilik yarışması keçirmişdir.

Əvvəlcə Lənkəranda Heydər Əliyev Mərkəzini ziyarət edən institutun gənc alimləri Ümummilli Liderin ömür yolunu əks etdirən eksponatlar və fotoşəkillərlə bir daha tanış olmuşlar.
Sonra Lənkəran şəhər S.Kazımbəyov adına 6 nömrəli tam orta məktəbində təşkil olunmuş tədbirdə gənc alimləri və yarış iştirakçılarını məktəbin direktoru Akif Xalıqov salamlamış, Respublika günü münasibəti ilə təbrik etmişdir. Daha sonra AMEA-nın Riyaziyyat və Mexanika İnstitutunun Gənc Alim və Mütəxəssislər Şurasının sədri, riyaziyyat üzrə fəlsəfə doktoru Famil Seyfullayev institutun strukturu və görkəmli alimləri haqqında məktəblilərə məlumat vermiş, şagirdlərə uğurlar arzulamışdır. Yarışda Lənkəranın 5 təhsil ocağının-şəhər 4, 7, 10 nömrəli, Şürük və Xolmili kənd tam orta məktəblərinin şagirdləri bilik və bacarıqlarını nümayiş etdirmişlər. Bilik yarışmasında daha inamlı oyun nümayiş etdirən şəhər 10 nömrəli, Xolmili və Şürük kənd tam orta məktəblərinin komandaları birinci, ikinci və üçüncü yerləri tutmuşlar.
Sonda yarış iştirakçılarına sertifikatlar və hədiyyələr təqdim edilmişdir.

AMEA-nın Riyaziyyat və Mexanika İnstitutunda beynəlxalq uşaqlar günü münasibətilə tədbir keçirdi.

Mayın 30-da AMEA-nın Riyaziyyat və Mexanika İnstitutunda 1 İyun “Uşaqların beynəlxalq müdafiəsi günü” münasibətilə institututun Həmkarlar Təşkilatı tədbir keçirdi. Tədbirdə institut əməkdaşlarının uşaqları iştirak etdi. Uşaqların bilik və bacarıqları nümayiş etdirildi. Üç istiqamət- şeir demək, rəsm çəkmək, rəqs etmək üzrə yarışlar keçirildi. Qalib gələn balacalar medallar və hədiyyələrlə  mükafatlandırıldı.

AMEA-nın Riyaziyyat və Mexanika İnstitutunun Dissertasiya Şurasında BDU-nun “Riyazi analiz” kafedrasının müəllimi Rövşən Poladov riyaziyyat üzrə fəlsəfə doktoru elmi dərəcəsini almaq üçün “Diferensial operatorların spektral nəzəriyyəsinin bəzi məsələləri” mövzusunda dissertasiya işi müdafiə edib.

​Bu gün AMEA-nın Riyaziyyat və Mexanika İnstitutunun Dissertasiya Şurasında  BDU-nun “Riyazi analiz” kafedrasının müəllimi Rövşən Poladov riyaziyyat üzrə fəlsəfə doktoru elmi dərəcəsini almaq üçün “Diferensial operatorların spektral nəzəriyyəsinin bəzi məsələləri” mövzusunda dissertasiya işi müdafiə edib.

​Qeyd edək ki, dissertasiyada alınmış nəticələr 10 elmi işdə öz əksini tapıb.

AMEA-nın Riyaziyyat və Mexanika İnstitutunun Dissertasiya Şurasında “Dalğa dinamikası” şöbəsinin kiçik elmi işçisi Fərid Vəliyev riyaziyyat üzrə fəlsəfə doktoru elmi dərəcəsi almaq üçün “Konsentrik quraşdırılmış silindrik cismlərin elastiklik nəzəriyyəsinin tərs məsələləri” mövzusunda dissertasiya işi müdafiə edib.

​Mayın 23-də AMEA-nın Riyaziyyat və Mexanika İnstitutunun Dissertasiya Şurasında “Dalğa dinamikası” şöbəsinin kiçik elmi işçisi Fərid Vəliyev riyaziyyat üzrə fəlsəfə doktoru elmi dərəcəsi almaq üçün “Konsentrik quraşdırılmış silindrik cismlərin elastiklik nəzəriyyəsinin tərs məsələləri” mövzusunda dissertasiya işi müdafiə edib.

​Dissertasiyada alınmış nəticələr 9 elmi işdə öz əksini tapıb.